आता दोन तीन महिन्यात महाराष्ट्रात विधानसभा निवडणूक येईल.मोदी सरकार हे आता एनडीएचे सरकार झाले आहे त्यामुळे हे सरकार किती दिवस चालेल हा मोठा प्रश्न आहे.दिल्लीत आमच्याबाबत जे म्हटले जायचे की,नैसर्गिक आणि अनैसर्गिक युती.मग आता दिल्लीतील युती नैसर्गिक आहे की अनैसर्गिक हा प्रश्न आहे.देशातील जनता या निवडणुकीच्या निमित्ताने जागी झाली त्यामुळे हे मोठे यश आहे असे मी मानतो असे उद्धव ठाकरे यांनी म्हटले आहे.जेव्हा तीन पक्ष एकत्र पत्रकार परिषद घेतात तेव्हा माध्यमांसमोर येण्याआधी आमची प्राथमिक बैठक होते. येणारी विधानसभेची निवडणूक जे जे लोक आमच्याबरोबर आहेत तसेच महाविकास आघाडी म्हणून आम्ही तीन पक्ष आणि इतर काही सामाजिक संघटना आणि छोटे पक्ष मिळून आम्ही निवडणूक लढणार आहोत असे आगामी विधानसभा निवडणुकीतील महाविकास आघाडीचे गणित उद्धव ठाकरे यांनी यावेळी स्पष्ट केले.

महाविकास आघाडीला महाराष्ट्रत मोठे यश मिळाले असून या निवडणुकीत आमचे तीन पक्ष असले तरी छोटे-मोठे पक्ष आणि काही संघटना आणि काही सामाजिक कार्यकर्ते आमच्याबरोबर होते त्यामुळे या सर्वांचे आभार आम्ही मानतो.लोकसभा निवडणुकीत महाविकास आघाडीला जनतेने मोठा पाठिंबा दिला.भाजपाला शेतकऱ्यांनी चांगला धडा शिकवला.काही ठिकाणी धार्मिक ध्रुवीकरण करण्याचा प्रयत्न कऱण्यात आला मात्र धार्मिक ध्रुवीकरणाचा निवडणुकीत काहीही परिणाम झाला नाही.आज विधानसभा निवडणुकीच्या पार्श्वभूमीवर आमची प्राथमिक बैठक झाली.लोकसभेप्रमाणे आम्ही विधानसभेची निवडणूकही लढणार आहोत असे पृथ्वीराज चव्हाण यांनीही स्पष्ट केलं.