तुकाराम मुंढे हे मूळचे बीड जिल्ह्यातील ताडसून्न या गावचे आहेत.या गावाची लोकसंख्या सर्वसाधारणपणे पाच हजाराच्या आसपास असून हे गाव १०० टक्के शेतीवर निर्भर असून कोरडी जमीन असल्याने फार मेहनत घ्यावी लागते.तुकाराम मुंढे यांचे बालपण गावातच गेले आहे.गावात सकाळपासून संध्याकाळपर्यंत मेहनत करायची त्यानंतर आठवडा बाजारात जाऊन भाजी विकायची त्यानंतर आठवड्याभराचा संसार आणि दोन वेळचे जेवण आपल्याला भेटेल अशा दृष्टीने प्रयत्न करायचे अशी गावची परिस्थती होती.तुकाराम मुंढे यांचे गावातच १० वीपर्यंत शिक्षण झाले.जिल्हा परिषद शाळेत शिक्षण घेत असतांना तिथली शैक्षणिक,सामाजिक आणि आर्थिक परिस्थिती बेताची असल्याने त्याच परिस्थितीत शिक्षण घेतले.

तुकाराम मुंढेंची आतापर्यंत कुठे कुठे बदली झाली?

तुकाराम मुंढे हे २००५ सालचे आयपीएस अधिकारी आहेत.सोलापूरचे उपजिल्हाधिकारी म्हणून आपल्या प्रशासकीय कारकिर्दीला सुरुवात केली होती.२००७ सालापर्यंत ते सोलापूरचे उपजिल्हाधिकारी होते.त्याचबरोबर २००७-प्रकल्प अधिकारी,धारणी,२००८ उपजिल्हाधिकारी, नांदेड,२००८-जिल्हा परिषद सीईओ,नागपूर,२००९-अति आदिवासी आयुक्त,नाशिक,२०१०-केव्हीआयसी मुंबई,२०११ जिल्हाधिकारी,जालना, २०११-१२-जिल्हाधिकारी,सोलापूर,२०१२-सहआयुक्त,विक्रीकर विभाग,मुंबई,२०१२-सहआयुक्त,विक्रीकर विभाग,मुंबई,२०१६-महापालिका आयुक्त,नवी मुंबई,२०१७-अध्यक्ष,पीएमपीएएल,२०१८-महापालिका आयुक्त,नाशिक,२०१८-सहसचिव,मुंबई नियोजन विभाग,२०१८-एड्स नियंत्रण मंडळ प्रकल्प संचालक,२०२०-नागपूर महापालिका आयुक्त,२०२०-सदस्य सचिव,महाराष्ट्र जीवन प्राधिकरण,मुंबई,२०२१-राष्ट्रीय मानवाधिकार आयोग भारत,२०२२ (सप्टेंबर )-आयुक्‍त आरोग्‍य सेवा व संचालक,राष्ट्रीय आरोग्य अभियान,२०२३-मराठी भाषा विभाग,२०२३- पशुसंवर्धन आणि दुग्ध विकास विभाग,२०२४-विकास आयुक्त (असंघटित कामगार) अशा विविध पदांचा कार्यभार त्यांनी सांभाळला आहे.