वसईत तरुणीची भररस्त्यात निर्घृण हत्या !! सदरील घटना अत्यंत गंभीर आणि दुर्दैवी !! गृहमंत्री देवेंद्र फडणवीस यांची प्रतिक्रिया

नालासोपारा येथे राहणारा रोहित यादव (२९) आणि आरती यादव (२२) या दोघांचे मागील सहा वर्षांपासून प्रेम संबंध होते मात्र आरती अन्य मुलाशी बोलत असल्याचा रोहित याला संशय होता यावरून त्या दोघांमध्ये भांडणे होत होती त्यामुळे रोहित संतप्त झाला होता.आरती वसईच्या एका कंपनीत कामाला लागली होती.आज दि.१८ जून मंगळवार रोजी सकाळी साडेआठच्या सुमारास ती नेहमीप्रमाणे कामावर जाण्यासाठी निघाली होती मात्र गावराई पाडा येथील स्टेट बँकेत समोर रोहितने तिला अडवले.दोघांची शाब्दिक बाचाबाची झाली त्यावेळी रोहित ने आपल्या सोबत आणलेल्या लोखंडी पान्याने तिच्यावर सपासप वार केले.आरती खाली कोसळली.काही वेळाने रोहित पुन्हा आला आणि त्याने तिच्यावर वार केले त्यात ती गतप्राण झाली.हत्येनंतर आरोपी रोहित तिथेच बसून राहिला वालीव पोलिसांनी घटनास्थळावरून आरोपी रोहितला ताब्यात घेतले.मृत आरतीचे बारावीपर्यंत शिक्षण झाले असून एक महिन्यापूर्वीच ती कंपनीत कामाला लागली होती.सकाळची वेळ असल्याने रस्त्यामध्ये प्रचंड गर्दी होती.आरोपी यादव आरतीवर वार करत असतांना लोक व्हिडिओ काढण्यामध्ये मग्न होते.कोणीही तिला वाचवायला पुढे आले नाही. एक तरुण फक्त आरोपीला अडवायला पुढे होता मात्र त्याचा प्रयत्न निष्फळ ठरला.लोक पुढे आली असती तर आरतीचे प्राण वाचले असते असे पोलिसांनी सांगितले आहे.