देवेंद्र फडणवीस महाराष्ट्राच्या उपमुख्यमंत्रीपदी कायम राहण्याबाबत दिल्लीतल्या बैठकीत निर्णय

नवी दिल्ली-पोलीस नायक (वृत्तसेवा) :-

दि.१९ जून २४ बुधवार

नुकताच झालेल्या लोकसभा निवडणुकीत राज्यात महायुतीला पराभवाचा सामना करावा लागला होता व या पराभवाचे विश्लेषण करण्यासाठी काल दि.१८ जून मंगळवार रोजी दिल्लीत महाराष्ट्र भाजपाच्या कोअर कमिटीची बैठक आयोजित करण्यात आली होती.यावेळी देवेंद्र फडणवीस यांच्या राजीनाम्याच्या मुद्द्यावरही चर्चा होईल असेही सांगितले जात होते.दरम्यान या बैठकीत भाजपाच्या केंद्रीय नेतृत्वाने देवेंद्र फडणवीस यांचा राजीनाम्याचा प्रस्ताव अमान्य केल्याचे पुढे आले आहे त्यामुळे देवेंद्र फडणवीस हे उपमुख्यमंत्री पदी कायम राहणार असल्याचे स्पष्ट झाले आहे.दिल्लीत झालेल्या या बैठकीनंतर केंद्रीय मंत्री पियूष गोयल यांनी यासंदर्भात माहिती दिली आहे.लोकसभा निवडणुकीत महाराष्ट्रात भाजपाचा पराभव झाला असला तरी राज्यातील नेतृत्वात कोणताही बदल होणार नाही असे पियूष गोयल यांनी सांगितले तसेच आगामी विधानसभा आम्ही आणखी जोमाने लढू असेही ते म्हणाले.