काँग्रेसच्या दावणीला बांधलेली शिवसेना सोडवण्यासाठी आणि बाळासाहेब ठाकरे यांचे विचार जपण्यासाठी दोन वर्षापूर्वी आपण उठाव केला व तो उठाव योग्य होता हे या निवडणुकीमध्ये जनतेने दाखले.आपण घेतलेला निर्णय कसा योग्य होता हे आपण निवडणुकीमध्ये पाहिले. जनतेच्या विश्वासाला आपण कधाही तडा जाऊ देणार नाही हा शब्द मी देतो.आज बाळासाहेब ठाकरे असते तर काय म्हणाले असते ? जमलेल्या माझ्या तमाम हिंदू बांधवांनो,भगिनींनो आणि मातांनो…. आज त्यांचा वारसा सांगणाऱ्यांना हिंदू म्हणून घेण्याची लाज वाटू लागली अशी घणाघाती टीका एकनाथ शिंदे यांनी केली.ते पुढे म्हणाले,शिवतीर्थावर भाषण करतांना सर्व इंडिया आघाडीचे नेते होते पण त्या ठिकाणी उद्धव ठाकरे हे जमलेल्या माझ्या तमाम हिंदू बांधवांनो,भगिनींनो आणि मातांनो…असे म्हणू शकले नाहीत.आजही वर्धापन दिनाच्या कार्यक्रमात तमाम हिंदू बांधवांनो,भगिनींनो आणि मातांनो म्हणाले नाही मग तुमचे हिंदुत्व कसले आहे ? बाळासाहेब ठाकरे यांचे नाव घेण्याचा अधिकार तुम्हाला नाही.गर्व से कहो हम हिंदू है,ही गर्जना बाळासाहेबांनी देशात गाजवली.आता उद्धव ठाकरे यांचे हिंदुत्व कुठे गेले ? त्यामुळे धनुष्यबाण पेलण्याची ताकद आपल्यात आहे.आज आपण लोकसभेच्या ७ जागा जिंकलो.आता महायुतीमध्ये माझी जबाबदारी जास्त आहे व ती जबाबदारी सर्वांच्या साक्षीने पार पाडणार आहे.या सर्व वावटाळीमध्ये शिवसेनेचा मूळ आधार आहे तो मतदार दुसरीकडे गेला नाही व तो मतदार आपल्या कडेच आहे असेही एकनाथ शिंदे म्हणाले.