शरद पवार यावेळी शेतकऱ्यांना म्हणाले,इथे यायचे कारण म्हणजे नुकतीच लोकसभेची निवडणूक झाली व या निवडणुकीत काही लोकांनी दमदाटी केली,नवीन पिढीतल्या लोकांना आवर घालण्याचे काम काही लोकांनी केले.निवडणुकीच्या प्रचाराला गावात गेल्यानंतर गावातले जे पुढारी होते त्यांचा काही पत्ता लागला नाही,कुठे गायब झाले माहित नाही.नव्या पिढीने ताबा घेतला.माळेगाव कारखाना असेल,सोमेश्वर कारखान्याचे संस्थापक असतील,जिल्हा बँक असो,पंचायत समिती असो किंवा बारामतीचे दूध संघ असो या संस्थांमध्ये जे जे काम करतात त्यातील बहुसंख्य लोक या निवडणुकीत दिसतच नव्हते.काय भानगड होती मला माहित नाही नंतर चौकशी केली की लोक कोण होते ? कोणी सांगितले की कोणी कारखान्याचे डायरेक्टर.हळू चौकशी केली पोलिसांकडून आणि पोलिसांना विचारले हे कोण होते त्यांनी सांगितले काय विचारू नका त्यांचा धंदा होता हॉटेलचा तिथे काहीतरी दुसरेच बघायला मिळाले.लॉजिंगचा धंदा होता तिथे भलतेच लोक राहायला येतात याची बातमी आली.मला आश्चर्य वाटले मोरगावला महाराष्ट्रातून व महाराष्ट्राच्या बाहेरचे लोक अष्टविनायकाचे दर्शन घ्यायला येतात त्याची सुरुवात मोरगाव पासून होते अशा पवित्र ठिकाणी लॉजमध्ये दुसराच धंदा चालतो अशी चर्चा बाहेर होणे हे या पवित्र ठिकाणाच्या दृष्टीने कितपत योग्य आहे ? हीच मंडळी कालच्या निवडणुकीमध्ये वेगवेगळ्या कामात गुंतली होती.

यावेळची निवडणूक ही सामान्य लोकांनी,तरुण पिढ्यांनी,कष्टकऱ्यांनी हातात घेतली होती.मी स्वतः व शिवसेनेचे नेते उद्धव ठाकरे आणि काँग्रेसचे नेते आम्ही एकत्र माझ्या घरी बसलो आणि आम्ही ठरवले की आपण तिघांनी मिळून निवडणूक लढायची.मोदींनी महाराष्ट्रामध्ये १८ दौरे केले,१८ ठिकाणी सभा केल्या.मला सांगायला वाईट वाटते की ज्या १८ ठिकाणी ते गेले त्यातील दहा ठिकाणी त्यांचा उमेदवार पडला म्हणून परवा मी सांगितले की मी दिल्लीला जाईन त्या वेळेला भेटून सांगेन मोदी साहेब तुम्ही जिथे जिथे गेलात तिथे ६० टक्के लोक पराभूत होतात व  उद्या आता महाराष्ट्राच्या विधानसभेची निवडणूक होणार आहे तुम्ही जास्त तिथे या म्हणजे काय होते ते आम्हाला बघायला मिळेल.