या भेटीत उद्धव ठाकरे यांनी देवेंद्र फडणवीस यांच्याबरोबर हस्तांदोलन केले यावरून शिवसेनेच्या ठाकरे गटातील राज्यसभेचे खासदार संजय राऊत यांना प्रश्न विचारण्यात आला की दोन्ही नोत्यांमध्ये हस्तांदोलन झाले आता दोन पक्षांमध्ये हातमिळवणी होईल का ? आगामी विधानसभा निवडणुकीत काही नव्या गोष्टी पाहायला मिळतील का ? यावर संजय राऊत म्हणाले,आम्ही कधीच भाजपाबरोबर हातमिळवणी करणार नाही. संजय राऊत म्हणाले,अनेकदा दिल्लीत आम्ही संसदेत असतो तेव्हा सभागृहाकडे जाणाऱ्या लिफ्टमध्ये आमच्याबरोबर वेगवेगळे नेते असतात. बऱ्याचदा पंतप्रधान नरेंद्र मोदी,केंद्रीय गृहमंत्री अमित शाह हे देखील आमच्याबरोबर लिफ्टमध्ये असतात.मुळात तिथली व्यवस्थाच तशी आहे. तुम्हाला एकत्रच ये-जा करावी लागते कारण सगळ्यांना एकाच सभागृहाकडे जायचे असते त्यामुळे लिफ्टमध्ये किंवा इतर ठिकाणी एकमेकांच्या समोर आल्यावर हस्तांदोलन करणे,नमस्कार करणे हा शिष्टाचार असतो त्याप्रमाणे उद्धव ठाकरे आणि देवेंद्र फडणवीस यांनी एकमेकांना नमस्कार केला असेल तर त्याची आज राजकीय चर्चा करण्याची आवश्यकता नाही व त्या भेटीचे वेगळे राजकीय अर्थ काढण्याची गरज नाही. मी पुन्हा एकदा स्पष्ट करतो की,”आम्ही कोणत्याही परिस्थितीत पुन्हा भाजपाबरोबर हात मिळवणार नाही व आम्ही आमचे हात अपवित्र करून घेणार नाही.”