पत्नीला घेऊन नाचल्याच्या रागातून भावजयीने केला दिराचा चाकूने खून

याबाबत अधिक माहिती अशी की,नागोबाची वाडी गावात काळे कुटुंबीय राहण्यास असून गावात दरवर्षीप्रमाणे लक्ष्मीदेवीचा उत्सव साजरा केला जात होता.या उत्सवात शेकडो भाविक सहभागी झाले होते.दरम्यान सायंकाळी साडेसातच्या सुमारास वाद्यांच्या तालात उत्सवाने रंग भरला असतांनाच काही तरुण उत्साहाच्या भरात बेधुंद होऊन नाचत होते.या जल्लोषात धनराज काळे याने आपली पत्नी संगीता हिला खांद्यावर उचलून घेतले आणि तो नाचू लागला.हा प्रकार त्याची भावजय आशा काळे हिला आवडला नाही व तिने देवकार्यातून काढता पाय घेत घर गाठले.काही वेळानंतर धनराजही घरी पोहोचला.यावेळी भावजय आशाने धनराजशी भांडण काढले आणि रागाच्या भरात तिने हातातील चाकूने त्याच्यावर हल्ला केला यामध्ये तो गंभीर जखमी झाला त्याच अवस्थेत तो बाहेर पळत आला व त्याने भावजय आशा हिने पोटात चाकूने भोसकल्याचे सांगितले त्यास तातडीने रुग्णालयात दाखल केले असता मोठ्या प्रमाणावर रक्तस्त्राव झाल्यामुळे त्याचा मृत्यू झाल्याचे फिर्यादीत म्हटले आहे.