मराठ्यांना उभा देश चालवायचा आहे.आरक्षण कुठे मागता ? सिंहानी जंगल सांभाळायचे असते.मराठा जात ही संबंध देशाचा संसार चालविणारी जात आहे हे मराठ्यांच्या ज्या दिवशी लक्षात येईल त्यादिवशी या मातृभूमीचे भाग्य उजळून जाईल.हे त्यांच्या लक्षात येत नाही हे आपले दुर्दैव आहे असेही संभाजी भिडे यांनी सांगितले.बांगलादेशमध्ये हिंदूंवर अत्याचार होत असल्याच्या पार्श्वभूमीवर २५ ऑगस्ट रोजी संबंध सांगली जिल्ह्यात कडकडीत बंद पाळण्यात येणार असल्याची घोषणा संभाजी भिडे यांनी केली.श्री शिवप्रतिष्ठान हिंदुस्थानतर्फे हा बंद पुकारण्यात आला आहे अशी माहिती त्यांनी दिली तसेच बांगलादेशमध्ये जो अत्याचार सुरू आहे त्याविरोधात भारत सरकारने कडक पाऊले उचलावीत अशीही मागणी त्यांनी केली.कोलकाता येथे प्रशिक्षणार्थी डॉक्टरवर झालेली बलात्काराची घटना अत्यंत दुर्दैवी असल्याची प्रतिक्रियाही संभाजी भिडे यांनी दिली.एखाद्या स्त्रीवर बलात्कार होणे म्हणजे मातेवर बलात्कार होणे आहे.या देशातीलच नाही तर जगातील कोणतीही स्त्री ही हिंदूंना मातेसमान आहे.कुठलीही स्त्री ही भारतमातेचे प्रगत रुप आहे व तिच्याशी आईसारखे वागले पाहीजे असे संभाजी भिडे यांनी म्हटले आहे.