३१ ऑगस्टपर्यंत अर्ज भरलेल्या महिलांना तीन महिन्यांचे पैसे दिले जाणार !! लाडकी बहीण योजनेबाबत देवेंद्र फडणवीसांचे विधान

यवतमाळ-पोलीस नायक (वृत्तसेवा) :-

दि.२५ ऑगस्ट २४ रविवार 

राज्याचे अर्थमंत्री तथा उपमुख्यमंत्री अजित पवार यांनी अर्थसंकल्पीय अधिवेशनात मुख्यमंत्री माझी लाडकी बहीण योजना जाहीर केली.१ जुलै पासून ही योजना सुरू झाली असून सव्वालाख पात्र महिलांच्या खात्यात प्रत्येकी तीन हजार रुपये जमा करण्यात आले आहेत तसेच ऑगस्ट महिन्यात अर्ज करणाऱ्या महिलांचीही संख्या वाढत जातेय त्यामुळे ऑगस्टमध्ये अर्ज करणाऱ्या महिलांसाठी महत्त्वाची बातमी असून उपमुख्यमंत्री देवेंद्र फडणवीस यांनी यासंदर्भात माहिती दिली आहे.ते आज यवतमाळ येथे आयोजित केलेल्या महिला सशक्तीकरण अभियानांतर्गत ‘मुख्यमंत्री माझी लाडकी बहीण योजना’ मेळाव्यात बोलत होते.मुख्यमंत्री माझी लाडकी बहीण योजनेअंतर्गत दरमहिना १५०० रुपये दिले जात आहेत व ही योजना घोषित केली तेव्हा विरोधकांनी विधानसभेत खूप टीका केली.कोणी म्हणाले ही फसवी योजना आहे,कोणी म्हणाले १० टक्के महिलांनाही या योजनेचा लाभ मिळणार नाही,कोणी म्हणाले की महिलांना लाच देता का,महिलांना विकत घेता का,बहिणींनो या नादान लोकांना बहिणीचे प्रेम काय असते हे माहिती नाही.प्रत्यक्ष ईश्वर जरी उतरला तरी प्रेम विकत घेता येत नाही हे अनमोल प्रेम आहे. आमच्या बहि‍णींचे प्रेम अनमोल आहे असे उपमुख्यमंत्री देवेंद्र फडणवीस म्हणाले.