यावल-पोलीस नायक (प्रतिनिधी) :-
दि.१२ सप्टेंबर २४ गुरुवार
शहरात राहणाऱ्या एका तरुणाने गळफास घेवुन केलेली आत्महत्या चर्चेचा विषय बनली असुन तरूणाने केलेली आत्महत्या ही संशयास्पद असल्याबाबत उलटसुलट चर्चा शहरात सर्वत्र रंगू लागली असुन याबाबत यावल पोलीस ठाण्यात अकस्मात मृत्युची नोंद करण्यात आली आहे.
या संदर्भात मिळालेली माहीती अशी की,किरण गरबड सपकाळे वय २२ वर्ष राहणार श्रीराम नगर,जिल्हा परिषद मराठी शाळेच्या मागे यावल या तरूणाने काल दि.११ सप्टेंबर रोजी दुपारी ४ वाजेपासुन ते १२ सप्टेंबरच्या १२ वाजेच्या दरम्यान यावल शहरातील सार्वजनिक वाचनालयाच्या शेजारी असलेल्या पिंपळाच्या झाडाला लटकुन गळफास घेवुन आत्महत्या केल्याची घटना नुकतीच उघडकीस आली आहे.याबाबत मयताची आई सकुबाई गरबड सपकाळे वय ६० वर्ष राहणार श्रीराम नगर मराठी शाळेच्या मागे यावल यांनी यावल पोलीस ठाण्यात खबर दिल्याने अकस्मात मृत्युची नोंद करण्यात आली आहे.दरम्यान मयत किरण सपकाळेच्या मृतदेहावर यावलच्या ग्रामीण रूग्णालयात शवविच्छेदन करण्यात आले असुन या घटनेचा पुढील तपास सहाय्यक पोलीस निरिक्षक सोपान गोरे यांच्या मार्गदर्शनाखाली पोलीस करीत आहे.मयत किरण सपकाळे या तरुणाने आत्महत्या केल्याचे वृत्त शहरात पसरल्याने या आत्महत्येच्या घटनेला घेवुन शहरात उलटसुलट चर्चेला उधाण आले असुन तरूणाची आत्महत्या ही संशयाच्या फेऱ्यात आली आहे तर पोलीसांनी या घटनेचा तपास केल्यास सत्य बाहेर येईल अशी देखील चर्चा शहरात होत आहे.
