“लाडकी बहीण नाही तर ‘मुख्यमंत्री’ लाडकी बहीण योजना म्हणा” शंभूराज देसाईंनी सुनावले !! महायुतीमध्ये श्रेयवादाची चढाओढ ?

कालपासून इतर लोकही हे नाव घ्यायला लागले आहेत.नवीन योजना होती त्यामुळे बऱ्याचदा अनावधानाने फक्त लाडकी बहीण योजना असे नाव घेतले जायचे पण आता महायुतीतले सगळे पक्ष या योजनेचा उल्लेख करतांना ‘मुख्यमंत्री माझी लाडकी बहीण योजना’ असा करत आहेत. दोन दिवस मी मतदारसंघातल्या १५-२० गावांमध्ये १००-१२५ महिलांना या योजनेसंदर्भात भेटलो व त्याचे व्हिडीओही आहेत.महिलांना जर विचारले की ही योजना कुणी आणली ? तर त्या स्पष्ट सांगत आहेत की एकनाथ शिंदेंनी आणली त्यामुळे महिलांमध्ये हे नक्की आहे की ही योजना एकनाथ शिंदेंच्या नेतृत्वाखालील महायुती सरकारने आणली आहे असा दावा शंभूराज देसाई यांनी केला आहे.दरम्यान योजनेचा गैरवापर होत असल्याबाबत विचारणा केली असता त्यावर त्यांनी प्रतिक्रिया दिली.अशा प्रकरणांची चौकशी चालू आहे.महिला लाभापासून वंचित राहू नयेत यासाठी सरकारी विभागातील कर्मचाऱ्यांना फॉर्म भरण्यासाठी नेमले होते पण जेव्हा अशा बाबी लक्षात आल्या तेव्हा फक्त अंगणवाडी सेविकांच्या मार्फतच फॉर्म भरून घेतले जातील असे नियोजन केले आहे.ज्यांनी कुणी एवढ्या चांगल्या योजनेत चुकीची नावे,फॉर्म भरून,फोटो लावून गैरप्रकार केलेत त्याची चौकशी करण्याचे आदेश सगळ्या जिल्हाधिकाऱ्यांना दिले आहेत असे शंभूराज देसाई म्हणाले.दरम्यान राज्यात सरकार आल्यास एकनाथ शिंदेच मुख्यमंत्री व्हावेत अशी इच्छा असल्याचे शंभूराज देसाई म्हणाले.महाराष्ट्राला पुढे नेण्याचे काम आमचे नेते मुख्यमंत्री एकनाथ शिंदेंच्या नेतृत्वाखाली आम्ही करतोय.आमचे नेते एकनाथ शिंदे मुख्यमंत्री व्हावेत असे साकडे मी गणरायाला घातले आहे पण मुख्यमंत्री कोण होणार याचा निर्णय वरीष्ठ नेते बसून घेतील असे शंभूराज देसाई यावेळी म्हणाले.