यावल-पोलीस नायक (प्रतिनिधी) :-
दि.१४ सप्टेंबर २४ शनिवार
येथील व्यास शिक्षण मंडळ संचलित जे टी महाजन इंग्लिश स्कूल येथे काल दि.१३ सप्टेंबर शुक्रवार रोजी आजी-आजोबा दिवस मोठ्या उत्साहात साजरा करण्यात आला.प्रसंगी कार्यक्रमाचे अध्यक्षस्थान शाळेच्या प्राचार्या रंजना महाजन यांनी स्वीकारले तसेच इंग्रजी माध्यम चे प्राचार्य ज्ञानेश्वर मावळे,शाळेच्या पर्यवेक्षिका श्रीमती राजश्री लोखंडे व गौरी भिरुड यांची प्रमुख उपस्थिती राहिली.सर्व प्रथम सरस्वती पूजन व दिप प्रज्वलन हे अध्यक्ष व आजी-आजोबा यांच्या हस्ते करून कार्यक्रमाची सुरुवात करण्यात आली व त्यानंतर उपस्थित आजी-आजोबा यांचे स्वागत रुमाल व पुष्पगुच्छ देवून करण्यात आले.
या कार्यक्रम प्रसंगी काही चिमुकल्यांनी आजी-आजोबा यांच्याबद्दल असलेले प्रेम व आपुलकी आपल्या मनोगतातून व्यक्त केले.1st Eng व Semi च्या विद्यार्थ्यांनी सध्या उद्भवलेल्या सत्य परिस्थिती म्हणजेच वृद्धाश्रम या विषयावर एक नाटक व डान्स सादर केला.या नाटकाने आजी-आजोबा यांचे डोळे पाणावले व ते भावुक झाले.त्यानंतर Sr Kg semi व Engव च्या विद्यार्थ्यांनी सुद्धा डान्स सादर केला.प्रसंगी आजी-आजोबा यांनी देखिल कार्यक्रमाबद्द्ल व शाळेबद्दल कौतुक करत त्यांचे मत व्यक्त केले.तसेच शाळेच्या शिक्षिका श्रीमती राजश्री लोखंडे यांनी आजी-आजोबा यांच्या बद्दल भावना व्यक्त केल्या तर अध्यक्षीय भाषणात रंजना महाजन यांनी आजी-आजोबाशी संवाद साधत आपले विचार व्यक्त केले.त्यानंतर आजी-आजोबा यांच्यासाठी संगीत खुर्ची हा कार्यक्रम आयोजित करून त्यात आजी-आजोबांनी सहभाग घेतला.कार्यक्रमाचे सूत्रसंचालन श्रध्दा बडगुजर यांनी तर आभार राजश्री लोखंडे व वंदना चोपडे यांनी मानले.कार्यक्रम यशस्वितेकरिता पर्यवेक्षिका राजश्री लोखंडे, गोरी भिरूड व शिक्षक शिक्षकेतर कर्मचारी यांनी परिश्रम घेतले.
