दिल्लीतल्या घरात एकाच कुटुंबातल्या पाच जणांचे मृतदेह आढळल्याने खळबळ !!

पोलिसांनी दिलेल्या माहितीनुसार मुलींचे मृतदेह हे पहिल्या खोलीत असलेल्या डबलबेडवर पडले होते.चारही मृतदेहांच्या तोंडातून फेस आला होता तर या मुलींच्या वडिलांचा मृतदेह दुसऱ्या खोलीत आढळला आहे.सगळ्या मुलींच्या पोटावर आणि गळ्यावर लाल धागा बांधण्यात आला होता.काल शुक्रवारी सकाळी पोलिसांना ही घटना कळली त्यानंतर पोलीस घटनास्थळी पोहचले.पोलिसांनी दिलेल्या माहितीनुसार ज्या माणसाने मुलींसह आत्महत्या केली तो माणूस सुतारकाम करत होता.वर्षभरापूर्वी त्याच्या पत्नीचे म्हणजेच या मुलींच्या आईचे कर्करोगाने निधन झाले होते.दरम्यान जे सीसीटीव्ही फुटेज पोलिसांना मिळाले आहे त्यात २४ सप्टेंबरला हे सगळे सदस्य घराच्या आत बाहेर जाताना दिसत आहेत.२५ सप्टेंबरपासून या घराचा दरवाजा बंद होता.पोलिसांनी फ्लॅटचा दरवाजा तोडला आणि आतमध्ये गेले तेव्हा त्यांना वडिलांसह चार मुलींचे मृतदेह आढळून आले.या माणसाचे नाव हीरा लाल असे होते असेही पोलिसांनी सांगितले आहे.शुक्रवारी सकाळी १० वाजता या घटनेची माहिती पोलिसांना मिळाली.पाच मृतदेह ताब्यात घेतल्यानंतर पोलिसांनी ते शवविच्छेदनासाठी पाठवले आहेत तसेच कचरा पेटीत पोलिसांना ज्यूसचे टेट्रा पॅक आणि सल्फाजचे पाऊच मिळाले आहेत.या पाच जणांनी इतके टोकाचे पाऊल का उचलले ? सगळ्यांनी एकदमच आत्महत्या केली की वडिलांनी मुलींना विष देऊन मारले आणि मग आत्महत्या केली ? हे प्रश्न उपस्थित होत आहेत आणि आम्ही त्या अनुषंगाने तपास करत आहोत असे पोलीस सूत्रांकडून सांगण्यात आले आहे.