मुद्रांक शुल्काच्या किमतीत मोठी वाढ !! आजपासून १०० रुपयांच्या स्टँपसाठी ‘एवढे’ पैसे द्यावे लागणार !!

मुंबई-पोलीस नायक (वृत्तसेवा) ;-

दि.१६ ऑक्टोबर २४ बुधवार 

दैनंदिन लागणाऱ्या सर्वच वस्तूंच्या किमतीमध्ये सध्या मोठी वाढ झाल्याचे पाहायला मिळत असून खाण्याच्या वस्तू,शिक्षण आणि आरोग्या संदर्भातील उपचारांसह सर्वच गोष्टीच्या खर्चात दुप्पट वाढ झाल्यामुळे सर्वसामान्यांचे कंबरडे मोडले आहे.या महागाईने होरपळून निघालेल्या सर्वसामान्य जनेतेला आता राज्य सरकारने आणखी एक धक्का दिला असून यापुढे १०० आणि २०० रुपयांच्या मुद्रांक शुल्कसाठी ५०० रुपये मोजावे लागणार आहेत त्यामुळे सर्वसामान्य जनतेच्या खिशाला पुन्हा एकदा कात्री लागणार आहे.खरेदी खत आणि हक्क सोडपत्रासाठी यापुढे आता ५०० रुपयांचे मुद्रांक शुल्क मोजावे लागणार आहे.याआधी १०० आणि २०० रूपयांचे मुद्रांक शुल्क लागत होते मात्र हे बंद करून यापुढे आता ५०० रुपयांच्या मुद्रांकावर सर्व व्यवहार करावे लागणार आहेत व याची अंमलबजावणी आजपासून (१६ ऑक्टोबर) सुरु झाली आहे. महाराष्ट्र मुद्रांकाच्या अधिनियमांमध्ये सुधारणा करण्यासाठी राज्यपालांनी सोमवारी (ता.१४) अध्यादेश काढला होता त्यानंतर त्याची अंमलबजावणी आज १६ ऑक्टोबरपासून सुरु झाली आहे.