निवडणुकीच्या प्रशिक्षणाला नकार दिल्याने मुख्याध्यापिकेविरुद्ध थेट गुन्हा दाखल !!

मावळ-पोलीस नायक (वृत्तसेवा) :-

दि.०७ नोव्हेंबर २४ गुरुवार

मावळ विधानसभेच्या निवडणूक निर्णय अधिकाऱ्यांनी वेळोवेळी प्रशिक्षणाबाबत दिलेले आदेश स्वीकारण्यास नकार देणाऱ्या तळेगाव दाभाडे येथील एका इंग्रजी माध्यमाच्या शाळेच्या मुख्याध्यापिकेविरुद्ध राष्ट्रीय कामात अडथळा केल्याप्रकरणी गुन्हा दाखल करण्यात आला आहे.सदरील प्रकार २१ ऑक्टोबर ते ३१ ऑक्टोबर या कालावधीत घडला.

याबाबत मंडळ अधिकारी लिंबराज सलगर वय ५० रा.मांजरी बुद्रुक यांनी तळेगाव दाभाडे पोलीस ठाण्यात फिर्याद दिली आहे.दरम्यान मावळ विधानसभेच्या निवडणूक निर्णय अधिकाऱ्यांनी संबंधित शाळेच्या मुख्याध्यापिकेला प्रशिक्षणाबाबत आदेश दिले होते व त्यांनी आदेश स्वीकारण्यास नकार दिला त्यामुळे त्यांच्याविरुद्ध गुन्हा दाखल करण्यात आला आहे.सदरील घटनेचा फौजदार मुल्ला तपास करीत आहेत.