“राष्ट्रवादी पक्ष फोडणाऱ्यांमध्ये तीन लोक प्रामुख्याने होते” !! शरद पवारांचा अप्रत्यक्ष हल्लाबोल

काही लोकांनी पक्ष फोडायचे काम केले.पक्ष फोडणाऱ्यांमध्ये राष्ट्रवादीत तीन लोक प्रामुख्याने होते.ते सहकाऱ्यांमध्ये गैरविश्वास मांडू लागले.ते दोन-तीन लोक कोण आहेत ? हे सांगण्याची मी आवश्यकता नाही अशा व्यक्तींना उद्याच्या निवडणुकीमध्ये मोठ्या मतांनी पराभूत करण्याचे काम तुम्हाला करायचे आहे व त्यांचा पराभव करा आणि राजेसाहेब देशमुख यांना निवडून द्या असे शरद पवार सभेत बोलताना म्हणाले.काही लोकांना राजकीय संकटात मदतीची आवश्यकता होती त्यावेळी माझ्याकडून त्यांना मदत केली गेली.मला आठवते की मुंबईला माझ्या घरी पंडित अण्णा आणि धनंजय मुंडे माझ्या घरी आले होते तेव्हा पंडित अण्णांनी सांगितले की,आमच्या काही अडचणी आहेत त्या अडचणीतून बाहेर पडण्यासाठी तुमची मदत आम्हाला पाहिजे.त्यांना पक्षात घेतले.संघटनेची जबाबदारी दिली.विधानपरिषदेचे आमदार केले.विरोधी पक्षनेते केले.महाराष्ट्राच्या मंत्रिमंडळात सहभागी केले,त्यांच्यासाठी जे-जे करता येईल ते केले व या लोकांना सत्ता दिली पण त्यांच्या डोक्यात सत्तेची हवा गेली असे म्हणत शरद पवार यांनी धनंजय मुंडे यांच्यावर अप्रत्यक्ष हल्लाबोल केला.तर कोणाचाही नाद करायचा पण शरद पवारांचा नाद करायचा नाही.मंत्री महोदय (धनंजय मुंडे) तुम्ही आता शरद पवारांचा नाद केला आहे तर तुम्हाला आता हबाडा दिल्याशिवाय शरद पवार थांबणार नाहीत व परळीची जनताही थांबणार नाही असा इशारा राजेसाहेब देशमुख यांनी परळीतील सभेत बोलताना दिला.