निकालानंतर एकनाथ शिंदे शरद पवारांबरोबर जाणार ? शिंदे गटाच्या नेत्याने दिले स्पष्ट संकेत.. !!

मुंबई-पोलीस नायक (वृत्तसेवा) :-

दि.२१ नोव्हेंबर २४ गुरुवार

विधानसभा निवडणुकीचा निकाल लागल्यानंतर कोण कोणाबरोबर असेल हे आताच सांगता येत नाही असे विधान राष्ट्रवादी काँग्रेस (अजित पवार) पक्षाचे नेते आणि माजी मंत्री नवाब मलिक काही दिवसांपूर्वी बोलले होते.आता मतदान पार पडल्यानंतर पुन्हा एकदा निकालानंतर काय चित्र असेल ? याची चर्चा सुरू झाली आहे.यानिमित्ताने हाच प्रश्न शिंदे गटाचे नेते आणि प्रवक्ते संजय शिरसाट यांनाही विचारण्यात आला होता यावर उत्तर देतांना संजय शिरसाट यांनी ही शक्यता थेट फेटाळून लावली नाही. विधानसभा निवडणुकीचा निकाल लागल्यानंतर एकनाथ शिंदे यांना मुख्यमंत्रीपद दिले गेले नाही आणि त्यांना दुय्यम भूमिका निभावावी लागली तर काय करणार ? असा प्रश्न शिंदे गटाचे नेते संजय शिरसाट यांना टिव्ही ९ या वृत्तवाहिनीने विचारला यावर ते म्हणाले,यावर एकनाथ शिंदे निर्णय घेतील.निकालानंतर एकनाथ शिंदे मुख्यमंत्री पदासाठी शरद पवार यांच्याबरोबर गेले तर ? असा प्रश्न विचारला असताना संजय शिरसाट म्हणाले की,शिंदे यांनी कोणताही निर्णय घेतला तरी आम्ही त्यांच्याबरोबरच जाऊ.