आमदार भरत गोगावले म्हणाले,एकनाथ शिंदे यांनी मोठ्या मनाने मुख्यमंत्रीपद नाकारले आहे.निवडणुकीत महायुतीमध्ये भारतीय जनता पार्टीला सर्वाधिक जागा मिळाल्या आहेत त्यामुळे आम्ही मुख्यमंत्रीपदासाठी हट्ट धरणे आमच्या स्वभावात बसत नाही म्हणूनच एकनाथ शिंदे आणि हसत हसत मुख्यमंत्रीपद नाकारले तसेच ते म्हणाले,भारतीय जनता पार्टीचा मुख्यमंत्री होत असेल तर त्या मुख्यमंत्र्याला माझा पूर्ण पाठिंबा असेल.आम्ही भाजपच्या निर्णयाचे समर्थन करू त्यामुळे मुख्यमंत्रीपदा वरून होत असलेल्या चर्चेला व प्रश्नांना काहीच अर्थ उरत नाही.आम्ही गृहमंत्रीपद मागितल्याच्या बातम्या सूत्रांच्या हवाल्याने प्रसारमाध्यम दाखवत आहेत.तसेच मी परवा एकनाथ शिंदे यांच्याबरोबर होतो.आमच्याबरोबर आमचे इतरही नेते,मंत्री,आमदार होते तेव्हा एकनाथ शिंदे आम्हाला म्हणाले,‘मी सत्तेच्या बाहेर राहून काम करतो’. त्यावर आम्ही त्यांना आग्रह केला की तुम्ही सत्तेच्या बाहेर राहायचे नाही तुम्ही सत्तेत राहूनच काम करावे असे भरत गोगावले यांनी स्पष्ट केले आहे.

महायुतीत आज खातेवाटपावर चर्चा होण्याची शक्यता

एकनाथ शिंदे हे रविवारी साताऱ्यातील दरे या आपल्या मूळ गावाहून ठाण्यात परतले असून ते सोमवारी मुख्यमंत्र्यांच्या ‘वर्षा’ शासकीय निवासस्थानी आल्यानंतर महायुतीतील खातेवाटप व मंत्रिमंडळातील संभाव्य नावांवर चर्चा सुरू होण्याची शक्यता आहे.भाजप पक्षश्रेष्ठींनी फडणवीस यांचे नाव मुख्यमंत्री पदासाठी निश्चित केले असून नेता निवडीसाठी विधिमंडळ पक्षाच्या बैठकीसाठी केंद्रीय निरीक्षकांच्या नियुक्तीची घोषणा सोमवारी केली जाण्याची शक्यता आहे.