“सत्ता आल्यानंतर कार्यकर्त्यांची हिंमत वाढली” !! भाजयुमोच्या कार्यकर्त्यांकडून कार्यालयाची तोडफोड झाल्यानंतर काँग्रेसची पहिली प्रतिक्रिया !!

“कायदा सुव्यवस्थेवर चर्चा सुरू असून राज्यात सरकारला शर्मेने मान खाली घालावी लागेल अशा दोन घटना घडल्या आहेत.दलित बांधवावर अन्याय अत्याचार झाला, परभणीत एकाचा जीव घेतला.संतोष देशमुख नामक सरपंचाचाही जीव घेतला.हे काही कमी आहे ? यामुळे गुन्हेगारांची हिंमत वाढतेय.आता सत्ता आल्यानंतर कार्यकर्त्यांची हिंमत वाढतेय.विरोधकांची कार्यालये तोडफोड केली जात आहेत.बाबासाहेबांचा अवमान झाला यावर प्रतिक्रिया उमटवणार स्वाभाविक आहे तसेच  बाबासाहेबांवर प्रेम करणाऱ्यांकडून प्रतिक्रिया येणारच” असे वडेट्टीवार म्हणाले.

“भाजयुमोचे कार्यकर्ते बाबासाहेब आंबेडकरांचा फोटो घेऊन आले याचा अर्थ आम्हाला वाटले की ते आमच्याबरोबर आहेत पण त्यांनी तिथे गेल्यावर प्रतिमा बाजूला केली. त्यांनी दरवाज्यावर दगड मारून खुर्च्या तोडल्या.ऑफिस उद्ध्वस्त करण्याचे काम केल.पोलीस काय करत होते ? तुम्ही लोकशाही मानत असाल तर आम्हीही आंदोलन केले पण आम्ही कोणावर दगडफेक केली नाही” असे वडेट्टीवार यांनी टीव्ही ९ मराठीला दिलेल्या मुलाखतीत म्हटले आहे.“अमित शाहांनी बाबासाहेबांचा अपमान केला. त्याची प्रतिक्रिया देशभर उमटली.जागोजागी आंदोलन झाले.हे आंदोलन लोकशाही मार्गाने सुरू आहे.कोणी कितीही मोठा असला तरी बाबासाहेबांचा अपमान करू नये. संविधानातून अधिकार प्राप्त झाले आहेत.आंदोलन करत आहोत म्हणून पक्षकार्यालयात जाऊन दगडफेक करणे हे गुंडगिरीचे लक्षण आहे.तुम्ही लोकशाही पद्धतीने उत्तर दिले पाहिजे.गुंडप्रवृत्तीने कशाला ?” असाही सवाल त्यांनी विचारला.“सत्ता आल्यापासून आम्ही पाहतोय,परभणीत कोंबिंग ऑपरेशनच्या नावाखाली माणसांचे जीव घेतले.कोणते पाप केले होते ? कोणाचा खून केला होता ? सत्ता मिळाल्यावर अशा पद्धतीने वापर करणार का ? पोलिसांना कोणाच्या सूचना होत्या ? काय कारवाई केली पोलिसांवर ?” असे अनेक प्रश्नही यानिमित्ताने विजय वडेट्टीवारांनी उपस्थित केले आहेत.