“…तर बिनभाड्याच्या खोलीत जावे लागेल,राजीनामा ही नंतरची गोष्ट” !! मुख्यमंत्र्यांच्या भेटीनंतर सुरेश धस यांचे मोठे विधान !!

मुंबई-पोलीस नायक (वृत्तसेवा) :-

दि.०८ जानेवारी २५ बुधवार

बीडच्या मस्साजोग गावचे सरपंच संतोष देशमुख यांचे कुटुंबीय,भाऊ धनंजय देशमुख यांनी काल मुख्यमंत्री देवेंद्र फडणवीस यांची भेट घेतली यावेळी या प्रकरणात कुणालाही सोडणार नाही तसेच आरोपींवर कठोर कारवाई होणार अशी ग्वाही मुख्यमंत्र्यांनी दिली आहे.या भेटीवेळी भाजपाचे आमदार सुरेश धस हे देखील उपस्थित होते. मुख्यमंत्र्यांबरोबर झालेल्या या भेटीनंतर त्यांनी माध्यमांशी संवाद साधला.कोणी कितीही मोठा असला तरी संतोष देशमुख प्रकरणात सहभाग असणाऱ्या एकाही व्यक्तीला सोडले जाणार नाही असे आश्वासन मुख्यमंत्र्यांनी दिल्याचे आमदार सुरेश धस म्हणाले.दरम्यान यावेळी धनंजय मुंडेंच्या राजीनाम्याच्या मागणीबद्दल सुरेश धस यांना प्रश्न विचारण्यात आला यावर बोलतांना धस म्हणाले की,धनंजय मुंडे यांच्या राजीनाम्याची मागणी करण्यासाठी आम्ही येथे आलो नव्हतो.पुढे बोलतांना सुरेश धस म्हणाले की,मुळात संतोष देशमुख हा भारतीय जनता पार्टीचा २०१९ च्या निवडणुकीत प्रितम मुंडे यांचा बूथ प्रमुख आहे.त्याचवेळच्या निवडणुकीत नमिता मुंदडा यांचा बूथ प्रमुख आहे.कालच्या लोकसभा निवडणुकीत पंकजा मुंडे यांचा बूथ प्रमुख आहे आणि आत्ताच्या निवडणुकीत नमिता मुंदडा यांचा परत बूथ प्रमुख आहे.आमच्या भाजपाचा बूथ प्रमुख हरवला आहे.बूथ रचनेला भारतीय जनता पार्टीत अनन्य साधारण महत्व आहे.त्याच्यापुढे कोणी कोणताही… मी नाव कोणाचे घेणार नाही पण सहभाग असेल तर त्याला जावे लागेल आणि तेही बिनभाड्याच्या खोलीत जावे लागेल,राजीनामा ही नंतरची गोष्ट आहे” असे सुरेश धस म्हणाले.