एका पराठ्यामुळे सापडला सैफचा हल्लेखोर !! पोलिसांच्या जाळ्यात कसा अडकला ? पोलिसांनी सांगितला घटनाक्रम !!

पोलीस माग काढत वरळीपर्यंत कसे पोहोचले !!

सैफवर हल्ला झाल्याचे समजताच मुंबई गुन्हे शाखेने आरोपीचा शोध घेण्यास सुरुवात केली व यासाठी सीसीटीव्ही फुटेज तपासण्यात आले.सीसीटीव्ही फुटेजनुसार तो आधी वांद्रे रेल्वे स्थानकात गेला तिथून तो दादर येथे उतरला.दादरच्या एका दुकानातून त्याने मोबाईल कव्हरही खरेदी केले पण त्याने येथे रोख रक्कम भरली तिथून तो कबूतरखाना आणि नंतर वरळीला गेला असे सीसीटीव्हीतून पोलिसांना समजले अशी माहिती सूत्रांनी इंडियन एक्स्प्रेसला दिली.वरळी परिसरातील फुटेज तपासल्यानंतर तो सेंच्युरी मिलजवळील एका स्टॉलवर काही काळ रेंगाळत असल्याचे दिसले.फुटेजमध्ये तो स्टॉल चालवणाऱ्या व्यक्तीशी गप्पा मारतानाही दिसला त्यानुसार गुन्हे शाखेच्या पथकाने तत्काळ वरळीत धाव घेऊन त्या स्टॉल मालकाचा शोध घेण्याचा प्रयत्न केला व त्याच्याकडून काहीतरी पुरावा मिळेल या आशेने पोलिसांनी तिथे सात पथके तैनात केली.

स्टॉलचा मालक नवीन एक्का या नावाने ओळखला जातो.पोलिसांना या एक्काचा जनता कॉलनीतील जयहिंद मित्र मंडळ येथील घराचा पत्ता सापडला ते तिथे पोहोचले असता तो तिथे सापडला नाही.एक्का तिथे पाच-सहा कामगारांसह भाड्याने राहत असल्याची माहिती पोलिसांना मिळाली त्यामुळे पोलिसांनी तेथील खोली मालकाचा मोबाईल क्रमांक मिळवून त्यांच्याशी संपर्क साधला.एक्का नावाचा भाडेकरू तिथे राहत असल्याचे मालकाने सांगितले पण ते आरोपीला ओळखू शकले नाहीत असेही इंडियन एक्स्प्रेसच्या वृत्तात नमूद आहे.खोली मालकाच्या मुलाने एक्काचा मोबाईल नंबर पोलिसांना दिला.त्यानुसार पोलिसांनी एक्काला फोन करून त्याची चौकशी केली व या चौकशीतून त्याने सांगितले की मोहम्मदने पराठा आणि पाण्याच्या बाटलीसाठी युपीआय पेमेंट केले होते त्या पेमेंटमुळे पोलिसांना मोहम्मदचा मोबाईल नंबर मिळाला.

…अन् आरोपीच्या मुसक्या आवळण्यात पोलिसांना आले यश !!

दरम्यान ठाण्यातील कासारवडवली येथे अमित पांडे नावाच्या कंत्राटदाराने त्याला काही महिन्यांपूर्वीच कामावर ठेवले होते व त्याचा मोबाईल नंबर पोलिसांसाठी टर्निंग पाँइट ठरला.जवळपास २० पथके ठाण्यात पोहोचली आणि संशयिताचा शोध सुरू केला परंतु तो घटनास्थळावरून पळून गेला आणि शनिवारी रात्री १० च्या सुमारास त्याने आपला मोबाइलही बंद केला परंतु थोड्यावेळाने तो ठाण्यातील जंगलात लपल्याची माहिती मिळाली.डीसीपी नवनाथ ढवळे यांच्या नेतृत्त्वाखाली पथकाला तो एका झुडप्याखाली लपल्याचे दिसले त्यामुळे त्याला अटक करण्यात पोलिसांना यश आले असे पोलिसांच्या वतीने स्पष्ट करण्यात आले आहे.

बांगलादेशमध्ये १२ वी शिकलाय सैफचा हल्लेखोर !! भारतात कसा आला ? सिमकार्ड कसे मिळवले ? माहिती आली समोर !!

सैफ अली खानवर हल्ला करणारा आरोपी बांगलादेशी नागरिक मोहम्मद शरीफुल इस्लाम उर्फ ​​विजय दास (३०) याच्याबद्दल पोलीस तपासात नवनवीन गोष्टी समोर येत आहेत.आरोपी सात महिन्यांपूर्वी डौकी नदी ओलांडून भारतात आला होता नंतर तो पश्चिम बंगालमध्ये गेला आणि तिथे काही आठवडे राहिला.सिमकार्ड मिळविण्यासाठी त्याने तेथील रहिवाशाचे आधार कार्ड वापरले व तिथून मग तो नोकरीच्या शोधात मुंबईला आला.