‘शेतकरी सगळ्यात मूर्ख’ !! वंचित बहुजन आघाडीचे प्रमुख प्रकाश आंबेडकर यांचे अजब विधान !!

“मनोज जरांगे पाटील यांनी देवेंद्र फडणवीस यांना लक्ष्य केले पण त्यांनी भाजपाला कधी लक्ष्य केले नाही.भाजपा एकेकाळी मनोज जरांगेंना मान्यता द्यायला तयार नव्हते तरीही त्यानांच तुम्ही सत्तेवर बसवले” असा आरोप प्रकाश आंबेडकर यांनी केला.संतोष देशमुख हत्या प्रकरणातील आरोपींवर कारवाई व्हावी यासाठी जिल्हा जिल्ह्यातून मोर्चे निघत आहेत तसेच या मोर्चात परभणी येथे पोलीस कोठडीत मृत्यू झालेल्या सोमनाथ सूर्यवंशी यांच्या कुटुंबियांना न्याय मिळावा अशीही मागणी केली जात आहे. यावर बोलतांना प्रकाश आंबेडकर म्हणाले की,आपण एकदा मागण्या केल्यानंतर कारवाईची सुरुवात झाल्यानंतर मागण्या मान्य होईपर्यंत थांबायला हवे.ज्यावेळेस प्रसंग घडला त्यावेळेस काहीच केले नाही पण नंतर मोर्चे वैगरे काढणे योग्य नाही.संतोष देशमुख आणि सुर्यवंशी ही दोन्ही प्रकरणे वेगळी आहेत.

शेतकरी मूर्ख आहेत !!

तसेच कर्जमाफी विषयावर बोलत असतांना प्रकाश आंबडेकर यांनी शेतकऱ्यांना मूर्ख असल्याचे संबोधले.ते म्हणाले,या सरकारने आधीच्या सरकारने शेतकऱ्यांना कर्जमाफी,व्याज माफीचे आश्वासने दिली होती.साता बारा कोरा करण्याची भाषा वापरली गेली.मी शेतकऱ्यांना मूर्ख यासाठी म्हणतो कारण त्यांनी सत्तेवर पुन्हा कुणाला बसवले ? मग आता पुन्हा रडत बसण्याचे कारण काय ? शेतामध्ये जे पेरता तेच उगवते तसेच कर्ज माफी करणार नाही असे म्हणणारे सरकार तुम्ही निवडून दिले ते आता कर्जमाफी देणार नसतील तर त्यात नवीन काय ? असे प्रकाश आंबेडकर यांनी म्हटले आहे.