घराच्या छतावर अभ्यास करणाऱ्या मुलीला माकडाने दिला धक्का !! खाली पडून १० वीतल्या मुलीचा मृत्यू !!

बिहार-पोलीस नायक (वृत्तसेवा) :-

दि.२७ जानेवारी २५ सोमवार

माकडाने धक्का दिल्यामुळे इयत्ता १० वीत शिकणाऱ्या मुलीचा घराच्या छतावरून पडून मृत्यू झाल्याची बातमी बिहारच्या सिवान शहरातून आली आहे.भगवानपूर हाट पोलीस ठाणे अतंर्गत येणाऱ्या माघर गावात ही घटना घडली आहे.मृत मुलीचे नाव प्रिया कुमारी असे आहे.पुढील काही दिवसांत ती दहावीची परीक्षा देणार होती.या घटनेची माहिती देताना पोलिसांनी सांगितले की प्रिया घराच्या छतावर अभ्यास करत होती त्याचवेळी माकडांची टोळी तिच्या घराच्या परिसरात दाखल झाली.माकडांची टोळी घरांच्या छतावरून उड्या मारत होती हे पाहून प्रिया कुमारी घाबरली आणि तिने तिथून धावण्याचा प्रयत्न केला.मुलीला धावतांना पाहून माकडे आक्रमक झाली आणि त्यांनी तिच्या दिशेने धाव घेतली त्याचवेळी एका माकडाने तिला धक्का दिला ज्यामुळे ती छतावरून खाली कोसळली.अनेक माकडे प्रिया कुमारीच्या घराच्या छतावर दाखल झाली होती त्याचवेळी एका माकडाने तिला धक्का दिला आणि ती छतावरून खाली कोसळली तिच्या डोक्याला जबर मार लागला त्यानंतर जखमी मुलीला घेऊन तिचे पालक रुग्णालयात दाखल झाले डॉक्टरांनी तिला मृत घोषित केले.