धक्कादायक : बालविवाहातून पिडीत मुलगी गरोदर !! पतीसह नातेवाईकांवर यावल पोलीस ठाण्यात गुन्हा दाखल !!

यावल-पोलीस नायक (प्रतिनिधी) :-

दि.१४ फेब्रुवारी २५ शुक्रवार

यावल तालुक्यातील एका १६ वर्षीय अल्पवयीन मुलीसोबत धक्कादायक प्रकार घडला असुन सदरची पीडित मुलगी १४ वर्षांची असतांना तिच्या आई-वडिलांनी तिचा विवाह यावल तालुक्यात राहणाऱ्या एका मुलासोबत लावून दिला.दरम्यान मुलगी अल्पवयीन असतांना तिच्या पतीने तिच्यावर अत्याचार केले ज्यामुळे ती गर्भवती राहिली. याप्रकरणी पतीसह तिच्या नातेवाईकांविरोधात यावल पोलीस ठाण्यात गुन्हा दाखल करण्यात आला आहे.

सांगली जिल्ह्यातील एका गावात राहणाऱ्या १६ वर्षीय मुलीचा दोन वर्षांपूर्वी १४ वर्षे वय असतांना तिच्या आई-वडिलांनी यावल तालुक्यातील एका गावात राहणाऱ्या मुलासोबत विवाह लावून दिला.मुलगी अल्पवयीन असतांना तिच्या पतीने तिच्यावर अत्याचार केले ज्यामुळे ती गर्भवती राहिली.हा प्रकार उघडकीस आल्यानंतर पोलिसांनी गुन्हा दाखल करून तो यावल तालुक्यात वर्ग केला आहे.पीडित मुलीचा नवरा,सासरा,सासू आणि आई यांच्या विरोधात यावल पोलीस ठाण्यात गुन्हा दाखल करण्यात आला आहे.या घटनेचा पुढील तपास पोलीस उपनिरीक्षक पाराजी वाघमोडे करत आहेत.