दिल्लीच्या मुख्यमंत्रिपदी रेखा गुप्ता !! राज्याच्या चौथ्या महिला मुख्यमंत्री !!

यापूर्वी १९९३ च्या विधानसभा निवडणुकीत भाजपने ७० जागांपैकी ४९ जागा जिंकून सत्ता स्थापन केली होती.त्या कार्यकाळानंतर भाजप दिल्लीत सत्तेत आले नव्हते.यंदा मात्र भाजपा ७० पैकी ४८ जागा जिंकत सत्तेत आलेली आहे.दुसरीकडे गेल्या ११ वर्षांपासून सत्तेत असलेल्या अरविंद केजरीवालांच्या आम आदमी पक्षाने केवळ २२ जागा जिंकल्या आहेत.भाजपचच्या विजयानंतर दिल्लीचा पुढचा मुख्यमंत्री कोण होणार ? यावरून अनेक नावांची चर्चा सुरू होती.भाजप नेते प्रवेश वर्मा यांच्या नावाची सध्या बरीच चर्चा सुरु होती.वर्मा यांनी ‘आप’चे प्रमुख नेते आणि दिल्लीचे माजी मुख्यमंत्री अरविंद केजरीवाल यांचा पराभव केला असून त्यांच्याकडे दिल्लीच्या मुख्यमंत्रिपदाचा प्रबळ दावेदार म्हणून पाहिले जात होते.प्रवेश वर्मा हे दिल्लीतील पंजाबी आणि जाट समुदायाचा प्रमुख चेहरा म्हणून ओळखले जातात व ते दिल्लीचे माजी मुख्यमंत्री आणि भाजप नेते साहिब सिंग वर्मा यांचे सुपुत्र आहेत.वर्मा यांचे काका आझाद सिंह देखील राजकारणात सक्रिय होते व ते उत्तर दिल्ली महानगरपालिकेचे महापौर राहिले आहेत त्यांनी भाजपच्या तिकिटावर मुंडका मतदारसंघातून २०१३ ची विधानसभा निवडणूक लढवली होती मात्र भाजपाने आज रेखा गुप्ता यांच्या नावावर शिक्कामोर्तब केले आहे.

मुख्यमंत्रीपदाच्या शर्यतीत रेखा गुप्ता यांच्या रुपाने एक महिला चेहरादेखील चर्चेत होते.भाजपतर्फे मुख्यमंत्रीपदासाठी असलेल्या यादीत महिला उमेदवार म्हणून रेखा गुप्ता यांचे नाव सर्वात पुढे होते.रेखा गुप्ता या दिल्ली नगरपालिकेच्या नगरसेवक आणि दिल्ली विद्यापीठ विद्यार्थी संघटनेच्या अध्यक्षदेखील राहिल्या आहेत.

याबाबत प्रतिक्रिया देताना ज्येष्ठ पत्रकार शरद गुप्ता म्हणतात, “रेखा गुप्ता यांच्या माध्यमातून महिला आणि वैश्य समुदाय दोघांपर्यंतही पोहोचता येते.”परंतु भाजप मागील काही राज्यातील निवडणुकीनंतरची स्थिती पाहता भाजप वेळेवर आश्चर्याचा धक्का देऊ शकते.ओडिशा,छत्तीसगड,राजस्थान असो वा मध्यप्रदेश भाजपने येथे चर्चेत नसलेल्या नावांना पसंती देऊन जनतेला आश्चर्यात टाकले होते त्यामुळे दिल्लीतील मुख्यमंत्रीपदाचा चेहरा कोण असणार ? भाजप कोणाला संधी देणार ? हे पाहणे महत्वाचे ठरणार आहे.