पोलिसांनी दिलेल्या माहितीनुसार १९ फेब्रुवारीला सदर जोडपे हे मधुचंद्रासाठी गोव्याला गेले होत यानंतर २२ फेब्रुवारीला म्हणजेच शनिवारी ही महिला रमेशला सोडून परतली कारण मधुचंद्राच्या वेळी पती रमेशने आपल्याला मारहाण केली आणि ठार करण्याचा प्रयत्न केला असा आरोप या महिलेने केला आहे.या सगळ्या घटना घडल्यानंतर २२ फेब्रुवारीला सदर महिला तिच्या माहेरी आली व तिचे सगळे म्हणणे ऐकल्यानंतर तिच्या माहेरच्या मंडळींनी तिचा पती रमेश आणि त्याच्या घरातल्या लोकांविरोधात पोलिसात तक्रार दाखल केली आहे.रमेशने माझा गळा दाबून मला ठार करण्याचा प्रयत्न केला असा आरोप या महिलेने केला आहे.पोलीस अधीक्षक सोमेंद्र मीना यांनी सांगितले की नवविवाहितेच्या तक्रारीनंतर आम्ही हुंड्यासाठी छळ,मारहाण या प्रकरणांत रमेशसह एकूण सात जणांच्या विरोधात गुन्हा दाखल केला आहे.या प्रकरणी आम्ही पुढील चौकशी करत आहोत.या प्रकरणातील पीडितेचा पती रमेश हा पेशाने डॉक्टर आहे.या दोघांचे लग्न नुकतेच झाले होते.दोघेही मधुचंद्रासाठी गोवा या ठिकाणी गेले होते मात्र महिलेने पती रमेशकडून मारहाण,छळ होत असल्याचे तिच्या घरातल्या लोकांना सांगितले.ज्यानंतर तिला २२ तारखेला घरी बोलवण्यात आले. एखाद्या चित्रपटाची कथा वाटेल अशी काहीशी ही घटना आहे.पतीच्या छळाला आणि मारहाणीला कंटाळून ही महिला घरी परतली आहे.पोलीस या प्रकरणी पुढील तपास करत आहेत.