“सर्व एसटी बसेसमध्ये जीपीएस आणि सीसीटीव्ही बसवण्याचे निर्देश” !! पुण्यातील घटनेनंतर सरकारचा मोठा निर्णय

पोलिसांनी अर्ध्या तासाच्या आत आरोपीची ओळख पटवली व त्यानंतर त्याला ट्रॅक करण्यास सुरुवात केली आहे.पोलिसांनी आठ पथके केली आहेत व त्याचे संभाव्य लोकेशनही मिळाले आहे.मात्र तपास सुरु असल्याने मी ते देणार नाही.आरोपीला लवकरच अटक केली जाईल.एक गैरसमज तयार केला जातो आहे की घटना मंगळवारी घडली आणि बुधवारपर्यंत माहिती समोर आणली गेली नाही मात्र ही फिर्याद आल्यानंतर तातडीने पोलिसांनी आरोपीची ओळख पटवली होती.

सदर प्रकरणाबाबत पोलिसांनी गुप्तता बाळगली होती-योगेश कदम !!

पोलिसांनी गुप्तता बाळगली होती कारण आरोपीला या गोष्टीचा तपास लागता कामा नये.आरोपी पळून जाऊ नये म्हणून गुप्तता पाळण्यात आली व ती पाळणे आवश्यक आहे.आरोपी लवकरच पकडला जाईल.पुणे शहरात जी घटना घडली आहे ती बस स्टँडच्या आवारात घडली आहे.पोलिसांनी रात्री १२ ते सकाळी ६ पर्यंत गस्त कितीवेळा घातली गेली याचीही माहिती मी घेतली आहे.पीआयही रात्री दीड वाजता गेले होते व त्यानंतर टीमसह तीन वाजताही तिथे होते.पोलीस अलर्ट नव्हते असा विषय नव्हता. आरोपीवर भुरट्या चोरीचे गुन्हे दाखल आहे मात्र ते ग्रामीण भागातल्या पोलीस ठाण्यात आहे.पुणे शहरात जे आरोपी आहेत त्यांच्याकडे पोलीस लक्ष ठेवून असतात.त्यांचे रेकॉर्ड पोलिसांकडे असते जे ग्रामीण भागातून येतात त्यांचा रेकॉर्ड नसतो.पुणे शहरात सीसीटीव्ही आणखी मोठ्या प्रमाणावर वाढवण्यासाठी मुख्यमंत्री देवेंद्र फडणवीस यांनी ४३७ कोटींचा निधी मंजूर केला आहे आपण त्या दृष्टीनेही काम करतो आहे.

१० ते १५ लोक आवारात होते कुणालाही काही आवाज आला नाही-योगेश कदम !!

पुण्यात जी घटना घडली ती फोर्सफुली घडली किंवा स्ट्रगल झाला असे काही कळले नाही कारण १० ते १५ लोक त्या आवारात होते. त्यामुळे गु्न्हा आरोपीला करता आला असेही योगेश कदम यांनी म्हटले आहे.पोलिसांकडून कुठलीही दिरंगाई झालेली नाही.घटना घडली तेव्हा कुठलाही अलर्ट मिळाला नाही.जी खासगी सुरक्षा ठेवली जाते त्यांनी नक्कीच चुका केल्या आहेत कारण खासगी सुरक्षा रक्षक गुन्हा घडला तेव्हा तिथे नव्हते असेही योगेश कदम यांनी स्पष्ट केले आहे.