आदिवासी पारधी समाजाच्या विविध मागण्यासंदर्भात पारधी क्रांती संघटनेच्या वतीने आयुक्तांना निवेदन !!

यावल-पोलीस नायक (प्रतिनिधी) :-

दि.१९ मार्च २५ बुधवार

पारधी समाज व त्याच्या पोट जमातीची एकमेव संघटना असलेल्या आदिवासी पारधी क्रांती संघटना शिष्टमंडळाची नुकतीच बैठक आदिवासी विकास विभागाच्या आयुक्त नयना बनसोडे यांच्याबरोबर आयोजित करण्यात आली.सदर बैठकीत बीड जिल्ह्यातील पारधी समाज बांधव सतिष भोसले उर्फ खोक्या यांच्या घरावर शासनाकडून बुलडोझर फिरवून सर्व घर जमीनदोस्त करण्यात आले व सर्व परिवाराला बेघर करण्यात आले.दरम्यान आदिवासी पारधी क्रांती संघटनेच्या शिष्टमंडळाच्या वतीने आयुक्त नयना बनसोडे यांच्याबरोबर चर्चा करुन सतिष भोसले उर्फ खोक्या भोसले यांच्या परिवाराला त्वरित घरकुल व इतर सुविधा उपलब्ध करून देण्यात याव्या याबाबत निवेदन देण्यात आले.

दरम्यान सदरील निवेदनात सतिष भोसले उर्फ खोक्या भोसले यांच्या परिवाराला त्वरित घरकुल व इतर सुविधा उपलब्ध करून देण्यात यावे,आदिवासी विकास विभागाच्या वतीने महाराष्ट्रातील पारधी व पारधी समाजाच्या सर्व पोट जमातीच्या सर्वांगीण विकासासाठी आदिवासी पारधी विकास आराखड्याची प्रभावीपणे अंमलबजावणी करण्यात यावी,स्वतंत्र पारधी घरकुल योजना,सुशिक्षित बेरोजगारांना चारचाकी वाहने मिळणे,स्वाभिमानी सबलीकरण योजना मार्फत ४ एकर बागायती किंवा ८ एकर कोरडवाहू जमीन देण्यात यावी,शेतकऱ्यांसाठी ट्रॅक्टर,थ्रेशर वीजपंप इत्यादी योजना राबविण्यात याव्या,पारधी समाजातील युवकांसाठी स्वयंरोजगार उपलब्ध करून देणे,स्मशानभूमी साठी जागा व बांधकाम करून मिळावे,केंद्रातील मोठे उद्योग पारधी समाजासाठी सुरू करावे,विद्यार्थ्यांना उच्च शिक्षण घेण्यासाठी मानधन मिळावे,पारधी समाजातील लोकांसाठी सामुहिक विवाह सोहळा आयोजित करणे,पारधी वस्तीत समाज मंदिर बांधुन देण्यात यावे,पारधी विद्यार्थ्यांना पोलिस भरती पूर्व प्रशिक्षण योजना राबविणे,पारधी समाजातील भगत जोखारे यांना शासनाकडून मानधन मिळावे,पारधी समाजातील सुशिक्षित बेरोजगारांना वैयक्तीक लाभाच्या योजना राबविण्यात याव्यात,एम एस सिआयटी (ms cit j प्रशिक्षण मोफत देण्यात यावे,पारधी समाजातील बांधकाम लोकांना बांधकाम पर्यवेक्षक कोर्स मोफत उपलब्ध करून द्यावा इत्यादी मागण्यांचे निवेदन आदिवासी विकास विभागाच्या आयुक्त बनसोडे यांना आदिवासी पारधी क्रांती संघटनेचे संस्थापक अध्यक्ष मुकेश साळुंके यांच्या नेतृत्वाखाली व शिष्टमंडळाच्या वतीने नुकतेच देण्यात आले.

यावेळी आदिवासी पारधी क्रांती संघटनेचे राज्य महासचिव दिपक खांदे (सुर्यवंशी),राज्य सचिव सुरेश सोनवणे,अमोल सुर्यवंशी,जेष्ठ सल्लागार रमेश साळुंखे,खान्देश अध्यक्ष विनोद साळुंके,खान्देश महिला अध्यक्षा सुशिला सोनवणे,मुंबई अध्यक्षा प्रभावती पारधी,नाशिक जिल्हाध्यक्ष धीरज राणे,धुळे जिल्हाध्यक्ष कमलेश चव्हाण,परभणी जिल्हाध्यक्ष गोविंद पवार,नगर जिल्हाध्यक्ष भाऊसाहेब काळे,संजय साळुंके,शामकांत चव्हाण,धुळे जिल्हा संघटक सतिश चव्हाण,जसपाल चव्हाण,नितीन सुर्यवंशी,गणेश राणे,राजु दाभाडे,लक्ष्मण साळुंके,दिपक चव्हाण,स्वप्निल शिसव,बापू चव्हाण,विजय(राजु) चव्हाण, नामदेव चव्हाण,भुरा साळुंके,शालीकराम साळुंके,महिला आघाडी संगिता चव्हाण,सुनिता पवार,रेखा पवार,भारती चव्हाण,सिमा चव्हाण,सारिका शिंदे,भुरा पारधी यांच्यासह महाराष्ट्र भरातुन २८ जिल्ह्यातील आदिवासी पारधी क्रांती पदाधिकारी व कार्यकर्ते तसेच समाजबांधव उपस्थित होते.