“देवच या देशाचे रक्षण करो” !! अलाहबाद उच्च न्यायालयाच्या निर्णयावर कपिल सिब्बल यांनी व्यक्त केली चिंता !!

नवी दिल्ली-पोलीस नायक (वृत्तसेवा) :-

दि.२२ मार्च २५ शनिवार

ज्येष्ठ वकील आणि राज्यसभा खासदार कपिल सिब्बल यांनी काल शुक्रवार रोजी न्यायव्यवस्थेतील भ्रष्टाचाराचा मुद्दा गंभीर असल्याचे सांगत तो वर्षानुवर्षे सुरू असल्याचे म्हटले असून “न्यायपालिकेतील भ्रष्टाचार हा एक अतिशय गंभीर मुद्दा आहे.देशातील अनेक संस्था आणि आणि वकिलांनी यापूर्वीही हा मुद्दा उपस्थित केला आहे” असे सिब्बल यांनी एएनआय या वृत्तसंस्थेशी बोलतांना म्हटले आहे.अलाहाबाद उच्च न्यायालयात बलात्कार प्रकरणाची सुनावणी सुरू असतांना उच्च न्यायालयाच्या न्यायाधीशांनी नोंदविलेले निरीक्षण सध्या वादाच्या भोवऱ्यात अडकले आहे.पीडितेच्या स्तनांना स्पर्श करणे आणि पायजम्याची नाडी खेचण्याचा प्रयत्न करणे हे बलात्काराचा गुन्हा दाखल करण्यासाठी पुरेसे नाही असे न्यायाधीश राम मनोहर नारायण मिश्रा यांनी म्हटले होते यावरून आता राजकारण तापले आहे.यावरही कपिल सिब्बल यांनी जोरदार टीका केली असून “छातीला स्पर्श करून पायजम्याची नाडी खेचणे हा बलात्काराचा गुन्हा नाही” असे अलाहाबाद उच्च न्यायालयाच्या निरीक्षणावरही सर्वोच्च न्यायालयाचे ज्येष्ठ वकिल कपिल सिब्बल यांनी टीका केली.उच्च न्यायालयाचे न्यायाधीश म्हणतात,छाती पकडून पायजम्याची नाडी खेचणे बलात्काराचा गुन्हा नाही.खंडपीठात काम करणाऱ्या अशा न्यायाधीशांपासून देवच या देशाचे रक्षण करो.अशा न्यायाधीशांच्या बाबतीत सर्वोच्च न्यायालय खूपच मवाळ आहे असे सिब्बल यांनी एक्सवरील त्यांच्या पोस्टमध्ये म्हटले आहे.