बुलढाण्यात एसटी,खासगी बस व बोलेराच्या विचित्र अपघातात ५ जणांचा मृत्यू !!

दरम्यान प्राथमिक माहितीनुसार,आज पहाटे साडेपाचच्या सुमारास भरधाव बोलेरो वाहन पुण्याहून परतवाडाकडे निघालेल्या एसटी बसवर धडकले व त्यानंतर पाठीमागून येणारी खासगी प्रवासी बसही अपघातग्रस्त वाहनांना धडकली परिणामी या भीषण धडकेत पाच जणांचा अपघात स्थळीच मृत्यू झाला आहे.अपघाताची माहिती मिळाल्यानंतर पोलिसांनी घटनास्थळी धाव घेत स्थानिकांच्या मदतीने बचावकार्य सुरू केले.खामगाव येथील शासकीय रुग्णालयात जखमींवर उपचार सुरू आहेत.

शेगाव-खामगाव महार्गावरील जयपूर लांडे फाट्यासमोर सदर अपघात घडला असून दोन बस आणि वाहनाची धडक झाल्यानंतर वाहनातील प्रवाशांच्या किंकाळ्या ऐकू येत होत्या अशी माहिती प्रत्यक्षदर्शींनी माध्यमांशी बोलतांना सांगितली.स्थानिकांनी यंत्रणांना वेळीच माहिती दिल्यामुळे जखमींवर ताबडतोब उपचार करणे शक्य झाले असे सूत्रांकडून सांगण्यात आले आहे.