आता राज्यात घरी बसून कुठल्याही जिल्ह्यातील घरांची नोंदणी ऑनलाइन पद्धतीने करता येणार !!

घरी बसून मुद्रांक नोंदणी करता येणार : बावनकुळे !!

चंद्रशेखर बावनकुळे म्हणाले,घर खरेदी-विक्री करतेवेळी नोंदणीसाठी सरकारी कार्यालयात जावे लागते व तिथे अनेक हेलपाटे मारावे लागतात.नोंदणी करतांना मध्ये दलालांचा अडथळा असतो.यावर उपाय म्हणून मुख्यमंत्री देवेंद्र फडणवीस यांनी पारदर्शी व गतीमान सरकारच्या १०० दिवसांचा कार्यक्रम दिला होता त्याअंतर्गत महसूल खात्याच्या मुद्रांक निरिक्षकांनी व महानिरिक्षकांनी एक चांगला उपक्रम पुढे आणला असून ‘एक राज्य एक नोंदणी’ अशी पद्धत आपले सरकार सुरू करत आहे व  त्याअंतर्गत राज्यातील कुठलीही नोंदणी,मुद्रांक नोंदणी घरी बसून करता येणार आहे.

१ मे पासून एक राज्य एक नोंदणी प्रक्रिया सुरू होणार : महसूल मंत्री !!

महसूल मंत्री म्हणाले,तुम्ही एखादे घर खरेदी केले असेल तर कुठेही बसून त्याची नोंदणी करता येईल.पुण्यात बसून नागपुरातील घराची,मुंबईत बसून पुण्यातील घराची नोंदणी करता येईल व ही सगळी फेसलेस प्रक्रिया असेल.तुमचे आधार कार्ड व आयकर दस्तऐवजांच्या मदतीने तुम्ही फेसलेस नोंदणी करूशकता.ऑनलाइन मुद्रांक नोंदणी व ‘एक राज्य एक नोंदणी’ प्रक्रिया आपण १ मेपासून सुरू करत आहोत.देवेंद्र फडणवीस यांनी डिजीटल इंडिया,डिजीटल महाराष्ट्राचा संकल्प केला आहे.आमचे सरकार त्यावर काम करत आहे.सुरुवातीला प्रायोगिक तत्वावर मुंबई व उपनगरांत अशी नोंदणी प्रक्रिया सुरू करण्यात आली होती जी आता राज्यभर सुरू होत आहे असे महसूल मंत्र्यांनी नमूद केले आहे.