“कर्ज घेता अन पाच-दहा वर्ष कर्जमाफीची वाट पाहता,त्या पैशांनी काय करता”? !! कृषीमंत्र्यांनी शेतकऱ्यांना सुनावले खडेबोल !!

दरम्यान उपमुख्यमंत्री अजित पवार यांनी म्हटले की कर्जमाफी होऊ शकत नाही ? मग शेतकऱ्यांना कर्जमाफी मिळेल की नाही ? असा सवाल एका शेतकऱ्याने कृषीमंत्री माणिकराव कोकाटे यांना विचारला या प्रश्नाचे उत्तर देतांना कृषीमंत्री माणिकराव कोकाटे यांनी त्या शेतकऱ्यालाच सुनावल्याचे पाहायला मिळाले.कृषीमंत्री माणिकराव कोकाटे यांनी म्हटले की,“मग जे नियमित कर्ज भरतात त्यांनी का बरे कर्ज भरावे ? कर्ज घ्यायचे आणि पाच-दहा वर्ष कर्जमाफीची वाट पाहायची तोपर्यंत कर्ज भरायचे नाही” असे म्हणत माणिकराव कोकाटे यांनी शेतकऱ्यांना सुनावले आहे.“मला एक सांगा,आता येथे मीडिया आहे.मीडियासमोर असे बोलत नाही पण तुम्ही मला सांगा. तुमची (शेतकऱ्यांची) कर्जमाफी झाल्यानंतर जे पैसे येतात त्या पैशाचे तुम्ही काय करता ? शेतीमध्ये एक रुपयांची तरी गुंतवणूक करता का ? सरकार तुम्हाला आता शेतीमध्ये गुंतवणूक करण्यासाठी पैसे देणार आहे.सरकार तुम्हाला पाईपलाईनाला पैसे,सिंचनासाठी पैसे,शेततळ्यासाठी पैसे देणार आहे.सरकार भांडवली गुंतवणूक करते मग शेतकरी भांडवली गुंतवणूक करतात का ? शेतकरी म्हणतात पीक विम्याचे पैसे पाहिजे मग त्यातून साखरपुडे करा,लग्न करा” असे म्हणत माणिकराव कोकाटे यांनी शेतकऱ्यांना सुनावले आहे.राज्याचे उपमुख्यमंत्री अजित पवार यांनी २८ मार्च रोजी एका कार्यक्रमात बोलतांना कर्जमाफीबद्दल भाष्य केले होते.अजित पवार म्हणाले होते की,“मी सभागृहात उत्तर देतांना देखील सांगितले होते की सगळी सोंग करता येतात पण पैशाचे सोंग करता येत नाही.मी महाराष्ट्रातील जनतेला स्पष्ट सांगतो,३१ मार्चच्या आत आपआपले पीक कर्जाचे पैसे भरा” असे विधान उपमुख्यमंत्री अजित पवार यांनी २८ मार्च २०२५ रोजी एका कार्यक्रमात केले होते.