भाजपाचा स्थापना दिवस आज रावेर-यावल विधानसभेतील प्रत्येक बूथवर साजरा करण्यात येणार !! आमदार अमोल हरिभाऊ जावळे यांची माहिती

यावल-पोलीस नायक (प्रतिनिधी) :-

दि.०६ एप्रिल २५ रविवार

भारतीय जनता पार्टी स्थापना दिनानिमित्त आज दिनांक ६ एप्रिल रोजी रावेर-यावल विधान सभेतील प्रत्येक बूथ वर भारतीय जनता पार्टीचा ध्वज फडकवला जाईल त्याचबरोबर सकाळी यावल,साकळी व न्हावी ग्रामीण रुग्णालय या शासकीय रुग्णालयांमध्ये फळवाटप करण्यात येईल.तर दुपारी यावल येथे महाराष्ट्र राज्याचे मुख्यमंत्री देवेंद्र फडणवीस यांचा लाईव्ह कार्यक्रम शेतकी संघ येथे होणार आहे.

दरम्यान प्रभू श्रीराम नवमी व भाजप स्थापना दिनानिमित्त सत्यनारायणाची पूजा करण्यात येणार असून संध्या ५ वाजता यावल मंडळ शेतकी संघ मध्ये आयोजक भाजपा तालुकाध्यक्ष उमेश फेगडे,फैजपूर मंडळ मध्ये न्हावी येथे संध्याकाळी ६.३० वाजता आयोजक नितीन चौधरी आणि यशवंत तळेले व किनगाव -साकळी मंडळ मध्ये संध्या ५ वाजता आयोजक रवींद्र सूर्यभान पाटील यांच्या नियोजनात या तीन मंडळ ठिकाणी पूजा करण्यात येणार आहे.त्याच बरोबर रावेर तालुक्यातील रावेर पूर्व,रावेर पश्चिम आणि सावदा मंडळ या ठिकाणी देखील प्रभू श्रीराम नवमी व भाजप स्थापना दिनानिमित्त सत्यनारायण पूजा करण्यात येणार आहे.वरील सर्व कार्यक्रमांना आप आपल्या स्थानिक स्तरावरील लोकप्रतिनिधी,पदाधिकारी व कार्यकर्त्यांनी या कार्यक्रमांना उपस्थित रहावेअसे आवाहन जिल्हाध्यक्ष आमदार अमोल हरिभाऊ जावळे यांनी केले आहे अशी माहिती यावल,तालुकाध्यक्ष उमेश फेगडे,सरचिटणीस,विलास चौधरी,उज्जैनसिंग राजपूत यांनी दिली आहे.