यावल-पोलीस नायक (प्रतिनिधी) :-
दि.०६ एप्रिल २५ रविवार
येथील सामान्य आदिवासी कुटुंबात जन्मास आलेले तसेच भालोद येथील प्राथमीक आरोग्य केन्द्राचे वैद्यकीय अधिकारी डॉ.फिरोज एम.तडवी यांचे अल्पशा आजाराने छत्रपती संभाजी नगर येथील एका खाजगी रूग्णालयात दि.५ एप्रील रोजी निधन झाले.
दरम्यान गेल्या काही दिवसापासून त्यांच्यावर उपचार सुरू होते परंतु काल दि.५ एप्रील रोजी उपचार सुरू असतांना त्यांची प्राणज्योत मावळली.डॉ.फिरोज एम.तडवी यांच्या निधनाचे वृत्त कळताच सर्वत्र शोककळा पसरली.डॉ.फिरोज तडवी यांनी केलेली निस्वार्थ सेवा व माणुसकी जपणारे कार्य हे सदैव यावल करांच्या तसेच तालुका वासियांच्या सतत हदयात राहील.सर्व सामान्यांच्या उपचारासाठी अथक परिश्रम घेणारे वैद्यकीय अधिकारी म्हणून डॉ.फिरोज एम.तडवी यांनी संपूर्ण तालुक्यात आपली ओळख निर्माण केली होती.डॉ.फिरोज तडवी यांचे मुळ गाव हे लोणी तालुका चोपडा होते व त्यांचे वडील सेवानिवृत्त मुख्याध्यापक व आदिवासी समाजात आपली आगळी वेगळी ओळख निर्माण करणारे एम.बी.तडवी यांचे जेष्ठ चिरंजिव व सरकारी वकील अॅड राजीव तडवी यांचे मोठे बंधु होते.डॉ.फिरोज एम.तडवी यांच्या मृत्यु पक्षात पत्नी,मुलगी,आई,वडील असा परिवार आहे.
