दरम्यान ही महिला उत्तर प्रदेशातील मिर्झापूर येथील रहिवासी असून सुशीला देवी असे त्यांचे नाव असल्याची माहिती सांगितली जाते.सुशीला देवी या मुंबईहून जेव्हा विमानात बसल्या त्यानंतर काही वेळातच त्यांना अस्वस्थ वाटू लागले होते.या घटनेबाबतची माहिती देतांना एका अधिकाऱ्याने सांगितले की,रात्री १० वाजण्याच्या सुमारास वैद्यकीय आपत्कालीन परिस्थितीमुळे इंडिगोचे एक विमान छत्रपती संभाजीनगरमध्ये उतरवण्यात आले व त्यानंतर वैद्यकीय पथकाने संबंधित महिलेची तपासणी केली मात्र त्याआधीच त्यांचा मृत्यू झाला होता.यानंतर छत्रपती संभाजीनगरमधील एमआयडीसी सिडको पोलीस स्टेशनने आवश्यक औपचारिकता पूर्ण केल्यानंतर हे विमान वाराणसीच्या पुढील प्रवासासाठी रवाना करण्यात आले असल्याची माहिती एका अधिकाऱ्याने सांगितली आहे.एअरलाइन्सच्या म्हणण्यानुसार यानंतर त्या महिलेचा मृतदेह छत्रपती संभाजीनगर येथील सरकारी वैद्यकीय रुग्णालयात पाठवण्यात आला आहे.