बिबटयाच्या हल्ल्यात मरण पावलेल्या बालकांच्या कुटुंबीयांना आमदारांच्या हस्ते पन्नास लाखाची मदत !!

यावल-पोलीस नायक (प्रतिनिधी) :-

दि.२८ एप्रिल २५ सोमवार

तालुक्यातील मागील दोन महीन्यात मनवेल आणी डांमुर्णी या दोन ठिकाणी बिबट्याने केलेल्या हल्ल्यात दोन चिमूकल्या बालकांचा बळी गेला होता.परिणामी या बालकांच्या कुटुंबीयांना प्रत्येकी २५ लाख रूपयेप्रमाणे ५० लाख रूपयांचे धनादेश चोपडा यावल मतदारसंघाचे आमदार प्रा.चंद्रकांत सोनवणे यांच्या हस्ते देण्यात आले.

यावल येथील पंचायत समितीच्या सभागृहात सेवा हक्क दिनानिमित्त आमदार प्रा.चंद्रकांत सोनवणे यांच्या अध्यक्षतेखाली आढावा बैठकीचे आयोजन करण्यात आले होते.या तालुकास्तरिय आढावा बैठकीस तहसीलदार मोहनमाला नाझीरकर,आदिवासी विकास विभाग प्रकल्प अधिकारी अरूण पवार,गटविकास अधिकारी डॉ.मंजुश्री गायकवाड (बोरसे),पंचायत समितीचे गट शिक्षण अधिकारी विश्र्वनाथ धनके,सार्वजनिक बांधकाम विभागाचे उपविभागीय अधिकारी जहॉंगीर तडवी यांच्यासह वनविभागाच्या पश्चीम क्षेत्राचे वनपाल विपुल पाटील यांची प्रमुख उपस्थिती राहिली.दरम्यान तालुक्यातील मनवेल येथे दि.६ मार्च रोजी बिबट्याच्या हल्ल्यात केशव बारेला या ७ वर्षीय बालकाला आपला जिव गमवावे लागले होते तर डांभुर्णी तालुका यावल या गाव शिवारात दि.१५ एप्रील रोजी मेढपालन करणाऱ्या ठेलारी कुटुंबातील रत्नाबाई या २ वर्षीय लहान चिमकुलीचा बिबट्याने बळी घेतला होता.दरम्यान या मरण पावलेल्या दोघा बालकांच्या कुटुंबास शासनाकडून मिळणारी आर्थिक मदत तात्काळ मिळावी याकरीता चोपडा यावल मतदारसंघाचे आमदार प्रा.चंद्रकांत सोनवणे यांनी सातत्याने शासन दरबारी सर्वतोपरीने प्रयत्न करीत त्यांना हि आर्थिक मदत मिळून दिली.