लग्नाच्या दुसऱ्याच दिवशी बोलावणे व हळदीच्या ओल्या अंगाने जवान ड्युटीवर रुजू !!

सातारा जिल्ह्यातील खटाव तालुक्यात असलेल्या काळेवाडी गावातील प्रसाद काळे या जवानाचे नुकतेच लग्न झाले. इतक्यात युनिटमधून फोन आला आणि प्रसादला निघावं लागलं

दुर्दैवाने हळदीच्या ओल्या अंगाने प्रसाद ऑपरेशन सिंदूरसाठी सीमेवर रवाना झाला आहे. त्याच्या पत्नीने स्वतःच्या आनंदापेक्षा देशाच्या सुरक्षेला प्राधान्य दिले.

आधी देश सेवा आणि नंतर कुटुंब असे सांगत प्रसादला देशसेवेसाठी सीमेवर जाण्यास परवानगी दिली आहे.

सातारा जिल्हा हा सैनिकांचा जिल्हा म्हणून ओळखला जातो.साताऱ्याने अनेक जवान भारत मातेच्या संरक्षणासाठी दिले आहेत.

भारत पाकिस्तान युद्धजन्य स्थिती निर्माण झाली आहे. त्यामुळे सुट्टीवर असलेल्या सर्व जवानांना तत्काळ बोलवण्यात आले आहे.

आधी देश सेवा आणि नंतर कुटुंब,पत्नीने स्वतःच्या आनंदापेक्षा देशाच्या सुरक्षेला प्राधान्य दिले.