यावल विरावली रस्त्यांवर स्कूलबस व टू व्हीलरच्या भीषण अपघातात काकू व पुतण्याचा जागीच मृत्यू !!

यावल-पोलीस नायक (प्रतिनिधी) :-

दि.२० मे २५ मंगळवार

शहरापासून जवळच असलेल्या यावल-विरावली रस्त्यावर आज दि.२० मे मंगळवार रोजी सकाळी ७.३० वाजेच्यासुमारास कोरपावली येथील रहिवाशी निशा जितेंद्र येवले व विशाल कुशल येवले हे दोघे काकू व पुतण्या टू व्हीलरने यावलकडे आपल्या कामानिमित्ताने जात असताना यावल पासून जवळच असलेल्या कृषी फलोत्पादन केंद्राजवळील खड्डेमय रस्ता वळणावर समोरून येणाऱ्या स्कूल बसला समोरासमोर जोरदार धडक झाल्याने कोरपावली येथील रहिवाशी निशा जितेंद्र येवले व विशाल कुशल येवले या दोन्ही काकू व पुतण्याचा जागीच मृत्यू झाल्याची घटना घडली आहे.सदर घटनेबाबत परिसरात हळहळ व्यक्त करण्यात येत आहे.

याबाबत अधिक वृत्त असे की,आज दि.२० मे मंगळवार रोजी सकाळी ७.३० वाजेच्यासुमारास कोरपावली येथील रहिवाशी निशा जितेंद्र येवले व विशाल कुशल येवले हे दोघे काकू व पुतण्या टू व्हीलरने यावलकडे आपल्या कामानिमित्ताने जात असताना यावल पासून जवळच असलेल्या कृषी फलोत्पादन केंद्राजवळील शहरापासून जवळच असलेल्या विरावली-कोरपावली रस्त्यावर स्कुल बस व मोटारसायकल यांच्यात झालेल्या भीषण अपघातात मोटारसायकलवर स्वार असलेले निशा येवले व विशाल येवले हे दोन्ही काकू व पुतणे जागीच ठार झाले.सदरील घटनेबाबतची माहिती पोलिसांना मिळताच पोलिसांनी घटनास्थळी भेट देऊन सर्व सोपस्कार आटोपून घेत पोलिसांकडून पुढील तपास केला जात आहे.दरम्यान सदरील घटनेची माहिती कळताच यावल व विरावली गावातील नागरिकांनी पाहण्यासाठी एकच गर्दी केली तर येवले परिवारातील दोन सदस्यांच्या मृत्यूमुळे येवले परिवारावर मोठा डोंगर कोसळला आहे तसेच सदर घटनेमुळे परिसरात हळहळ व्यक्त केली जात आहे.