राष्ट्रीय काँग्रेस कमेटी ग्रामीण ब्लॉक अध्यक्षपदी शेखर पाटील तर यावल शहराध्यक्षपदी शेख हकीम यांची निवड !!

यावल-पोलीस नायक (प्रतिनिधी) :-

दि.०७ जून २५ शनिवार

तालुक्यातील सौखेडासिम येथील राहणारे यावल पंचायत समितीमधील कॉंग्रेस पक्षाचे एकनिष्ठ कार्य करणारे माजी गटनेते शेखर सोपान पाटील यांची भारतीय राष्ट्रीय कॉंग्रेस कमेटीचे महाराष्ट्र प्रदेश हर्षवर्धन सपकाळ यांच्या आदेशाने यावल तालुका ग्रामीण ब्लॉकच्या अध्यक्षपदी तर यावल शहर काँग्रेस कमेटी अध्यक्षपदी शेख हकीम मोहम्मद याकूब यांची नुकतीच निवड करण्यात आली आहे.

शेखर सोपान पाटील यांची काँग्रेस कमेटीच्या यावल तालुका अध्यक्षपदी तर शेख हकीम मोहम्मद याकुब यांची यावल शहराध्यक्षपदी निवडीचे रावेर यावल विधानसभा मतदार संघाचे माजी आमदार शिराष मधुकरराव चौधरी,एन एस यु आय चे धंनजय चौधरी,पक्षाचे जेष्ठ पदाधिकारी हाजी शब्बीर खान,पंचायत समिती माजी उपसभापती लिलाधर चौधरी,सैय्यद जावेद अली,मारूळ सरपंच सैय्यद असद अली,सरपंच परिषदचे संदीप सोनवणे,दहिगाव सरपंच अजय अडकमोल,डोंगर कठोरा सरपंच नवाज तडवी, कॉंग्रेस कमेटीचे यावल शहर उपाध्यक्ष अनिल जंजाळे,प्रदेश प्रतिनिधी उमेश जावळे,अभय महाजन,हाजी गफ्फार शाह,अशपाक शाह,धिरज कुरकुरे,अल्ताफ तडवी,मोइन पटेल यांच्यासह आदिंनी त्यांचे स्वागत केले आहे.