फैजपूर प्रांताधिकारी अरेरावी प्रकरणाचा यावल सेतू सुविधा केंद्र चालक तसेच तालुका पोलीस पाटील संघटनेकडून तीव्र निषेध !!

यावल-पोलीस नायक (प्रतिनिधी) :-

दि.१८ जुलै २५ शुक्रवार

फैजपूर येथील प्रांत अधिकारी यांच्यासोबत झालेल्या अरेरावीच्या घटनेचा यावल रावेर तहसील कार्यालय तसेच सेतू सुविधा केंद्र चालक यांच्या वतीने देखील काम बंद आंदोलन करण्यात आले.दरम्यान आज यावल तालुका सेतू सुविधा केंद्राच्या वतीने काम बंद आंदोलन करण्याचा निर्णय घेण्यात आला होता परंतु उपविभागीय अधिकारी बबनराव काकडे यांनी झालेल्या घटनेकडे दुर्लक्ष करीत शेतकरी,नागरिक व विद्यार्थी यांना त्रास होऊ नये किंवा त्यांची गैरसोय होऊ नये याकरिता सदरील काम बंद आंदोलन स्थगित करण्याचे आदेशित केल्यामुळे आज करण्यात येणारे काम बंद आंदोलन मागे घेण्यात आले असून भविष्यात देखील यावल रावेर तालुक्यातील सेतू सुविधा केंद्र चालक आपल्या पाठीशी असल्याचे संघटनेच्या वतीने नमूद करण्यात आलेले आहे.यात आज दि.१८ जुलै शुक्रवार रोजी सदरील घटनेचा यावल तालुका पोलीस पाटील संघटनेच्या वतीने तीव्र शब्दांत निषेध नोंदविण्यात आला.सदरहू ही घटना लोकशाही आणि प्रशासकीय व्यवस्थेसाठी अत्यंत गंभीर असून संबंधितांवर तात्काळ कठोर कारवाई करण्याची मागणी संघटनेच्या वतीने करण्यात आली आहे.

मिळालेल्या माहितीनुसार,फैजपूर येथे काही व्यक्तींनी प्रांत अधिकारी यांच्यासोबत असभ्य वर्तन करत अरेरावी केली होती.शासकीय कामकाजात अडथळा निर्माण करण्याच्या आणि अधिकाऱ्याला धमकावण्याच्या या प्रकारामुळे प्रशासकीय वर्गात संताप व्यक्त होत आहे.या घटनेची माहिती मिळताच यावल तालुका पोलीस पाटील संघटनेने एक बैठक घेऊन या कृत्याचा निषेध करणारा ठराव मंजूर केला.याप्रसंगी बोलतांना संघटनेच्या पदाधिकाऱ्यांनी सांगितले की,प्रशासकीय अधिकारी हे जनतेचे सेवक असून त्यांच्या कामात अडथळा आणणे किंवा त्यांच्याशी अरेरावी करणे हे निंदनीय आहे अशा घटनांमुळे प्रशासकीय कामकाजावर नकारात्मक परिणाम होतो आणि शासकीय अधिकाऱ्यांचे मनोधैर्य खचते.दरम्यान यावल तालुका पोलीस पाटील संघटनेने या घटनेची सखोल चौकशी करून दोषींवर कायदेशीर कारवाई करण्याची मागणी केली आहे व भविष्यात अशा घटना पुन्हा घडू नयेत यासाठी कठोर उपाययोजना करण्याची विनंतीही त्यांनी प्रशासनाकडे केली आहे.कायदा व सुव्यवस्था राखण्यासाठी आणि शासकीय कामकाजात पारदर्शकता आणण्यासाठी अशा गैरकृत्यांना आळा घालणे आवश्यक असल्याचे संघटनेने म्हटले आहे.यावेळी संघटनेचे जिल्हा उपाध्यक्ष पवन चौधरी,यावल तालुकाध्यक्ष किरण पाटील,यावल तालुका पूर्व विभाग अध्यक्ष विशाल जवरे,जिल्हा संघटक सुरेश खैरनार,गोकुळ संकपाळ,चंदन पाटील,दिनकर कोळी,धर्मराज बाविस्कर,हरीश चौधरी,दीपक पाटील,प्रसन्न कुमार पाटील,संतोष सुरवाडे,प्रफुल्लता चौधरी,विठ्ठल कोळी,प्रियंका पाटील,दिपाली धनगर,अर्चना पाटील,मीना चव्हाण,प्रमोद तावडे,नरेश मासोळे,कैलास बादशहा आदींसह तालुक्यातील सर्व पोलीस पाटील उपस्थित होते.