यावल नगरपरिषदच्या दुर्लक्षित कारभारामुळे सात महीन्यांपासुन खोदलेले खड्डे देत आहे अपघाताला आमंत्रण !! भारतीय जनता पक्षाचे माजी नगरसेवक उमेश फेगडे यांनी व्यक्त केली खंत !!

यावल-पोलीस नायक (प्रतिनिधी) :-

दि.१९ जुलै २५ शनिवार

येथील नगरपरिषदेच्या कार्यक्षेत्रातील फालकनगर परिसरातील यावल-भुसावळ मार्गावर असलेल्या आयशानगर कॉलनीच्या वळणावरील खोदलेल्या खुड्डयांमुळे वाहनांचे अपघात होत असुन नगर परिषदने तात्काळ हे खड्डे बंद करून रस्ता तात्काळ दुरुस्त करावा अशी मागणी भारतीय जनता पक्षाचे माजी नगरसेवक उमेश फेगडे यांनी केली असून नगरपरिषदेच्या कारभाराबाबत खंत व्यक्त केली आहे.

दरम्यान यावल-भुसावळ या राज्य मार्गावरील रोडाच्या कडेला आयशानगर वस्तीकडे जाणाऱ्या रस्त्याच्या वळणावर पराग बोरोले यांच्या घरासमोर मध्यभागी नगरपरिषद प्रशासनाच्यावतीने गटारी स्वच्छ करण्याच्या नावाखाली मागील सात ते आठ महीन्यांपासून दोन मोठमोठी खड्डे खोदुन ठेवली असुन वळणावर असलेल्या या खड्डयांमुळे दुचाकी वाहनांचे मोठया प्रमाणावर वाहन कोसळुन अपघात होत आहे.यावल नगरपरिषदच्या वतीने खड्डे बुजण्यासाठी होत असलेल्या अक्षम्य दुर्लक्षामुळे या ठिकाणी मोठा अपघात होण्याची शक्यता नकारता येत नाही.तरी नगर परिषदचे मुख्याधिकारी यांनी तात्काळ या जिवघेण्या खुड्डयांना बुजण्याचे आदेशा द्यावे अशी मागणी भारतीय जनता पक्षाचे माजी नगरसेवक उमेश रेवा फेगडे यांनी “पोलीस नायक” न्युजशी बोलतांना केली असुन दोन दिवसात हे खड्डे न बुजल्यास आपण मुख्याधिकारी निशिकांत गवई यांची भेट घेणार असल्याचे उमेश फेगडे यांनी सांगितले आहे.