यावल-पोलीस नायक (प्रतिनिधी) :-
दि.२५ जुलै २५ शुक्रवार
येथील व्यास शिक्षण मंडळ संचलित जे टी महाजन इंग्लिश स्कूल मध्ये काल दि.२४ जुलै गुरुवार रोजी दीप अमावस्या हा सण उत्साहाच्या व भक्तीमय वातावरणात साजरा करण्यात आला.यावेळी कार्यक्रमाच्या अध्यक्षस्थानी प्राचार्या श्रीमती रंजना महाजन तसेच इंग्लिश स्कूलच्या प्राचार्या दिपाली धांडे यांची प्रमुख उपस्थिती राहिली.
कार्यक्रमाच्या प्रारंभी कार्यक्रमाच्या अध्यक्षा प्राचार्या श्रीमती रंजना महाजन यांच्या हस्ते गणपती पूजन व दीप पूजन करण्यात आले व त्यानंतर दिव्यांपासून बनवलेले श्री चे चिन्ह सर्व शिक्षकांनी प्रज्वलित केल्यामुळे प्रसंगी सुंदर असा नयनरम्य प्रकाश सर्व शाळेत पसरला.दरम्यान शाळेच्या शिक्षिका वैशाली अडकमोल व माधुरी पाटील तसेच कार्यक्रमाच्या अध्यक्ष सौ रंजना महाजन यांनी मुलांना दीप अमावस्येबद्दल माहिती सांगितली व दीप अमावस्येच्या शुभेच्छा दिल्या.या कार्यक्रमाचे सूत्रसंचालन मनीषा पाटील यांनी केले व आभार प्रदर्शन सुजाता पाटील यांनी केले.या कार्यक्रमाला पर्यवेक्षिका राजश्री लोखंडे व गौरी भिरुड यांनी उपस्थिती दिली.या कार्यक्रमाच्या यशस्वीतेसाठी शाळेतील सर्व शिक्षक व शिक्षकेतर कर्मचारी यांनी परिश्रम घेतले व सोहळा आनंददायी वातावरणात संपन्न झाला.
