यावल-पोलीस नायक (प्रतिनिधी) :-
दि.०८ सप्टेंबर २५ सोमवार
तालुक्यातील न्हावी गावाजवळील चावदस नगर जवळील तोल नाक्याजवळ काल दि.७ सप्टेंबर २५ रविवार रोजी दुपारी ३,३० वाजेच्या सुमारास झालेल्या दुर्दैवी घटनेत २२ वर्षीय तरुणाचा मृत्यू झाला मृताचे नाव आदित्य तुळशीराम काठोके राहणार कासारगल्ली फैजपूर तालुका यावल असे आहे.सदरच्या घटनेची माहिती मृताच्या काकांनी विलास बळीराम काठोके वय ४७ रा कासारगल्ली फैजपूर तालुका यावल यांनी पोलिसांना दिली.
पोलीस सूत्रांकडून मिळालेल्या माहितीनुसार,आदित्य हा आपल्या मित्रासोबत न्हावी येथून ट्रॅक्टरवरून येत असतांना त्याने अचानक वाहन थांबविण्यास सांगितले व मला चक्कर येत आहे असे सांगितले त्यानंतर अचानक त्याचा तोल जाऊन तो ट्रॅक्टरवरून खाली पडला व रस्त्यावर पडल्याने त्याला गंभीर दुखापत झाली.तत्काळ त्याला उपचारासाठी डॉक्टर खाचणे यांच्या दवाखान्यात दाखल करण्यात आले मात्र तपासणीअंती डॉक्टरांनी त्याला मृत घोषित केले.याबाबत फैजपूर पोलीस ठाण्यात बिएनएसएस १९४ प्रमाणे अकस्मात मृत्युची नोंद करण्यात आली असून पुढील तपास सहाय्यक फौजदार देवीदास विष्णु सुरदास यांच्या मार्गदर्शनाखाली सुरू आहे.सदरहू या अचानक झालेल्या घटनेमुळे काठोके कुटुंबीयांवर दु:खाचा डोंगर कोसळला असून गावात हळहळ व्यक्त केली जात आहे.
