यावल येथे निर्घृणपणे खुन झालेल्या सहा वर्षीय बाळाला न्याय मिळावा यासाठी सर्व धर्मीयांतर्फे मुकमोर्चा !!

यावल-पोलीस नायक (प्रतिनिधी) :-

दि.०८ सप्टेंबर २५ सोमवार

येथे दोन दिवसापुर्वी यावल शहराला व संपुर्ण परिसरातील नागरीकांच्या मनाला सुन्न करणारी घटना घडली असुन या घटनेत शहरातील बाबुजीपुरा येथे राहणाऱ्या एका सहा वर्षीय हनान खान नावाच्या बालकाचा एका माथेफिरु तरूणाने निर्घृणपणे खुन करून त्यास जाळल्याची अमानवीय संतापजनक घटना घडली होती.

सदरहू या बाळाचा खुन करणारा शेख शाहीद शेख बिस्मील्ला या तरूणास जलदगती न्यायालयात हा खटला चालवुन आरोपीस कडक शासन व्हावे या मागणीसाठी आज मयत बालकाच्या घरापासून तहसिल कार्यालयापर्यंत सर्वधर्मीय नागरीकांच्या वतीने मुक मोर्चा काढून तहसीलदार मोहनमाला नाझिरकर यांना निवेदन देण्यात आले.यावेळी यावलचे माजी नगराध्यक्ष अतुल पाटील,यावल पंचायत समितीचे माजी गटनेते शेखर पाटील,माजी उपनगराध्यक्ष अस्लम शेख नबी,माजी उपनगराध्यक्ष हाजी ईकबाल खान,काँग्रेस कमेटीचे यावल शहराध्यक्ष मोहम्मद हकीम शेख,अनिल जंजाळे, सामाजिक कार्यकर्ते पराग सराफ,नरेन्द्र शिंदे,गोलु माळी,शिवसेना उबाठाचे हुसैन तडवी,यावलचे माजी नगरसेवक मनोहर सोनवणे यांच्यासह मोठया संख्येने नागरीक या मुक मोर्चात सहभागी झाले होते.