यावल-पोलीस नायक(प्रतिनिधी):-
तालुक्यातील किनगाव येथून आज्ञात चोरट्यांनी मामाची मोटरसायकल भाच्याच्या घरून चोरून नेल्याचा प्रकार समोर आला आहे.याबाबत पोलीस स्टेशनमध्ये गुन्हाची नोंद करण्यात आला आहे.
याबाबत पोलीस सुत्रांकडुन मिळालेली माहीती अशी की,तालुक्यातील किनगाव खुर्द येथील सरफराज युनुस पिंजारी वय २५ वर्षे याने आपले मामा शेख नईम शेख सलमी पिंजारी राहणार आमोदा तालुका यावल यांची बजाज कंपनीची अंदाजीत ७ हजार रूपये किमतीची प्लॅटिना मॉडेलची काळया रंगाची एमएच १९ एटी ८८५० या क्रमांकाची मोटरसायकल दिनांक ६ नोव्हेबर रोजी घरासमोर लावलेली असतांना रात्रीच्या वेळी अज्ञात चोरटयांनी चोरून नेल्याचा प्रकार दिनांक ७ नोव्हेबर रोजी सकाळी समोर आला आहे.सरफराज पिंजारी हे नेहमी प्रमाणे पाणी भरण्यास बाहेर आले असता हा प्रकार दिसुन आला याबाबत पिंजारी यांनी तक्रार दिल्याने यावल पोलीस ठाण्यात अज्ञात चोरटयाविरुद्ध गुन्हा दाखल करण्यात आला आहे.पुढील तपास सहाय्यक फौजदार विजय पाचपोळे हे करीत आहे.सरफराज पिंजारी यांनी आपले मामा यांच्याकडुन ही मोटरसायकल शेतीच्या कामासाठी वापरण्यास घेतली होती.
