लेखकाने सर्व बाबींचे भान ठेऊन ते निर्भयपणे व्यक्त करणे ही काळाची गरज-ज्येष्ठ लेखिका प्रभा गणोरकर

यावेळी गणोरकर म्हणाल्या की,द्वादशीवार बोलणारा माणूस आहे तो कोणतीही दडपशाही सहन न करणारा आहे त्यामुळे असा माणूस बाजूला ठेवलेला बरा आणि व्यासपीठावर न आलेला बरा असा विचार करून नुकतेच राजकारण करण्यात आले परंतु जो लेखक अस्सल असतो तो लिहितोच त्याची अस्वस्थता त्याला लिहिण्यास भाग पाडते.समाजातील आजचे वास्तव उदासीन आणि भीतीदायक आहे अशा काळात माणसे व्यक्त होत नाहीत त्यामुळे अशा माणसांचे माध्यम होऊन साहित्यिकांनी समाजातील वास्तव समोर आणले पाहिजे.आज लेखक,कवींना शब्दांमध्ये व्यक्त होण्याची भीती असली व्यक्त झाल्यावर त्यांना गुन्हेगार ठरवले जात असले तरी त्यांनी हे गुन्हे केलेच पाहिजे. आजच्या कोणत्याही लेखकाला राजकीय,सामाजिक,आर्थिक,सांस्कृतिक भान असणे आणि ते त्याने निर्भयपणे व्यक्त करणे ही काळाची आणि आपल्या समाजाची गरज आहे.लिहिणाऱ्या स्त्रीयांच्या बाबतीतही हेच म्हणता येईल असेही ज्येष्ठ लेखिका प्रभा गणोरकर म्हणाल्या.