अज्ञात वाहनाच्या धडकेतील हरणाला यावल वनविभागाच्या कार्यतत्परतेमुळे जीवनदान

यावल-पोलीस नायक(प्रतिनिधी):-

तालुक्यातील अंकलेश्र्वर बऱ्हाणपुर महामार्गावर काल दि.१५ रोजी हंबर्डी गावाजवळ हरीण रस्ता ओलांडत असतांना अज्ञात वाहनाने धडक दिल्याने सदरील हरिण गंभीर झाले होते.यावेळी यावल वन विभागाच्या कार्यतत्परतेमुळे या  हरणाचे प्राण वाचविण्यात यश मिळाले आहे.वनविभागाच्या या स्तुत्य कामगिरीचे सर्वत्र कौतुक होत आहे.

याबाबत वनविभागाच्या सुत्रांकडुन मिळालेली माहीती अशी की,दि.१५ जानेवारी २३ रोजी यावल पुर्व वनक्षेत्र वन विभागात हंबर्डी ता.यावल गावाजवळ बऱ्हाणपूर अंकलेश्वर महामार्गावर सकाळच्या सुमारास अज्ञात वाहनाच्या धडकेत चितळ हरिण गंभीर जखमी अवस्थेत आढळून आले असल्याची माहीती दुरध्वनीव्दारे वनप्रेमींच्या माध्यमातून वनविभागास मिळाली.त्यानुसार विवेक होशिंग उपवनसंरक्षक यावल वनविभाग जळगाव व प्रथमेश हाडपे सहाय्यक वनसंरक्षक यावल यांच्या आदेशानव्ये तसेच त्यांच्या मार्गदर्शनाखाली यावल पुर्व विभाग वनपरिक्षेत्र अधिकारी विक्रम पदमोर,रविंद्र तायडे वनपाल डोंगरकठोरा,राजेंद्र खर्चे वनपाल,भैय्यासाहेब गायकवाड आगर वनरक्षक यावल,वनकर्मचारी अशोक माळी,पंढरिनाथ बारी,महेश चव्हाण,शरद पाटील यांनी तात्काळ हंबर्डी येथील घटनास्थळी धाव घेऊन अज्ञात वाहनाच्या धडकेत जखमी हरिणास हंबर्डी गावातील वनप्राणी मित्र व ग्रामस्थांच्या मदतीने शासकीय वाहनाने यावल येथे पशुवैद्यकीय अधिकारी डॉ.आर.सी.भगुरे यांचे निरीक्षणात औषध उपचार करण्यात आले.याप्रसंगी घटनास्थळी मनोज रामदास असत्कर,अमोल निबाळे फैजपूर,धनराज पुरुषोत्तम तळेले,याकूब तडवी,इतबार तडवी,विलास तायडे यांची उपस्थिती होती.