यावल-पोलीस नायक(प्रतिनिधी):-
येथील श्री मनुदेवी आदीवासी शिक्षण प्रसारक मंडळ संचलीत सरदार वल्लभभाई पटेल इंग्लिश मिडीयम स्कुलमध्ये राष्ट्रीय विज्ञान दिन विद्यार्थ्यांच्या उत्स्फुर्त सहभागातून मोठ्या उत्साहात नुकताच साजरा करण्यात आला.
या निमित्ताने सरदार वल्लभभाई पटेल इंग्लिश मिडियम स्कूलमध्ये विज्ञान प्रदर्शन भरवण्यात आले.या कार्यक्रमाला प्रमुख पाहुणे म्हणून किनगाव इंग्लिश मिडियम स्कूल विज्ञान विषय शिक्षक प्रतिक तायडे व सौ पूजा तायडे,संस्था अध्यक्ष शशिकांत फेगडे व भूमीअभिलेख अधिकारी अशोक जामकर हे होते.यावेळी उपस्थित मान्यवरांच्या हस्ते सरस्वतीच्या प्रतिमेस पुष्पहार अर्पण करून पूजन करण्यात आले. त्यानंतर मुख्याध्यापिका सौ.शिला तायडे यांच्या हस्ते गुलाबपुष्प देऊन सर्व उपस्थित मान्यवरांचा सत्कार करून प्रतिक तायडे यांच्या हस्ते कार्यक्रमाचे उद्घाटन करण्यात आले.या कार्यक्रमात इयत्ता पाचवी ते नववीतील विद्यार्थ्यांनी विज्ञान विषयाचे विविध प्रकारचे प्रयोग साकारून अत्यंत कुशलतेने विविध प्रयोगांचे प्रात्यक्षिक करून दाखविले.यावेळी विद्यार्थी प्रात्यक्षिक सादर करतांना अत्यंत उत्साहित दिसून आले तसेच त्यांनी प्रत्येक प्रयोगासाठी अत्यंत परिश्रम घेतलेले दिसून आले.कार्यक्रमाचे सूत्रसंचालन योगिता सावळे यांनी केले व आभार प्रदर्शन सौ.अमृता कुलकर्णी यांनी केले.सदरील कार्यक्रम यशस्वीतेसाठी प्रशांत फेगडे यांच्यासह स्कुलचे सर्व शिक्षक वर्ग व कर्मचारी वर्ग यांचे सहकार्य लाभले .
