बोरावल खुर्द विकासो पंचवार्षीक निवडणुकीत शेतकरी पॅनलचा दणदणीत विजय

यावल-पोलीस नायक(प्रतिनिधी):-

तालुक्यातील बोरावल खुर्द येथील विविध कार्यकारी सहकारी सोसायटीच्या रविवारी झालेल्या पंचवार्षीक निवडणुकीत शेतकरी पॅनलने संपूर्ण १३ जागा पटकावत एकहाती दणदणीत विजय मिळविला असून विकास पॅनल एकही जागा जिंकू न शकल्याने विकास पॅनलचा या निवडणुकीत धुव्वा उडाला आहे.

बोरावल विविध कार्यकारी सोसायटीचे कार्यक्षेत्रात बोरावल खुर्द,बोरावल बुद्रुक,टाकरखेडा,भालशिव,पिंप्री व टेंभी कुरन या पंचक्रोशीतील शेतकरी,सभासद म्हणून असल्याने तालुक्यातील मोठी विकासो संस्था मानल्या जाते.या विविध कार्यकारी सोसायटीचे माजी चेअरमन सतीश पाटील व यावलचे माजी नगराध्यक्ष तथा राष्ट्रवादी कॉंग्रेस पक्षाचे जिल्हा प्रवक्ते अतुल वसंत पाटील यांच्या नेतृत्वाखाली शेतकरी पॅनलने हे यश संपादन केले आहे.यानिमित्ताने शेतकरी पॅनल कडून गावात विजयी जल्लोष साजरा करण्यात आला.शेतकरी पॅनलचे प्रतिस्पर्धी दयाराम चौधरी यांच्या विकास पॅनल एकही जागा जिंकता आली नाही हे विशेष ! शेतकरी पॅनलचे विजयी झालेल्या १३ उमेदवारांची नावे व कंसात मिळालेली मते पुढीलप्रमाणे आहेत.यात यावलचे माजी नगराध्यक्ष अतुल पाटील ( २६५),गुरूदास गंगाधर पाटील (२७०),संतोष आनंदा पाटील (२५४),कमलाकर लालचंद सपकाळे (२५१),समाधान रामदास पाटील (२४९ ),यशवंत बाबुराव चौधरी (२३९),भगवान भागवत कोळी (२३८), कुलदिप ईश्वर पाटील (२३३), संजय नारायण महाजन ( २३१),अंजनाबाई अमृत पाटील (२४५),शशीकला समाधान चौधरी (२४४),रतन बन्सी कोळी ( २७८) व शरद सुदामदेव चौधरी (२६३) असे सर्व उमेदवार विजयी झाले आहेत.निवडणूक निर्णय अधिकारी म्हणून एम.व्ही.महाजन यांनी काम पाहिले.यावेळी उमेदवारांचा विजय झाल्याचे जाहीर झाल्यानंतर अतुल पाटील यांनी सर्व मतदारांचे विशेष आभार मानले आहे.